يا محمد أفندى .. محمد افتدى ...هات قرش تفسي اكل طعمية ... يعطى محمد أفندى القرش لدياب ويشترى الطعمية وهو يأكلها على ظهلر الحمار الذى نزل من عليه محمد افندى وركب القطر وسافر مصر يقول دياب .. يا ما انتوا ممتعين نفسكوا يا أهل البندر !!!!!!! ... الفقر والطيبة والعيشة على الفطرة هى كل ما يتحكم فى هذا المشهد الكوميدى المأسوى Black Comedy (فيلم الأرض للعبقري يوسف شاهين )هكذا كانت عيشة أهل مصر قمة طموحهم القليل من العيش ما يكفى لسد الرمق بدون شكوى أو ثورة او حتى مجرد التمرد على الواقع المرير فقط لحسة من طيب العيش كما تخيلوه ولم يتخيل دياب أن الطعمية ليست الا غذاء الفقراء لم يتخيل لانشون او جمبرى او استاكوزا ............ الخ من الأطعمة الشعبية أيضا ... المصرى بسيط جدا فى طلباته فقط عيش كريم كما يتخيل وتخيله بسيط جدا ً مجرد الستر.
العبقرى النشال البارع الداهية ليونيل ميسى يحرز هدفا ً بمنتهى السهولة من تسديدة بعيدة المدى أكتر من 25 متر فى مرمى متنشيستر يونايتد الذى يحرسه واحد من أبرع حراس العالم كل من شاهد الهدف فقط تعجب من سذاجة خط دفاع المان يونايتد الدولى بالكامل ومن 3 بلاد أوروبية كيف سمحوا لميسى ان يسدد بكل اريحية من هذه المسافة الخطرة للاعب بثقل ميسى ... الجواب يقوله شريط المباراه بالكامل وكيف أن ميسى من هذه المسافة أوهم الدفاع 6 مرات بالتسديد لكنه لم يسدد بل راوغهم جميعا ً ورماهم أرضا واحدا ً تلو الآخر وسادس مرة تخيل خط الدفاع أنه سيفعل بهم كما فعل فى الخمس مرات السابقة فاستعدوا للترقيص ولم يهاجموه فأطلق صاروخه ولم يراوغ وسجل .....عبقرية الثورة على المفاهيم المتأصلة أم الغباء فى رد الفعل فى أنهم سيتصرفون كما نصرفوا فى المرات السابقة على فكرة هذا السؤال وجوابه هى الرد على كيفية نجاح الثورة المصرية فى خلع مبارك ونظامه.
الناس محتارة قربنا على رمضان وبيهمسوا لبعض هنقول زى كل سنة عيد مبارك والا عيد حد تانى ؟؟؟؟؟؟؟؟
الزمالك فريق تفنن فى معاقبة محبيه بإهداء البطولة لغريمه الأهلى بعد ترنحه المفاجئ وخسارته النقاط بدون مبرر .... نفس ما يفعله الإحوان المسلمين الذين يخسرون يوميا عددا كبيرا ً من مؤيديهم السابقين نظرا ً لكونهم مازالوا يعتقدون ويفكرون بعقيدة التنظيم السري أو الجماعة المحظورة كما كانوا سابقا ً !!!!!!!!!!!!!!!! نفس ما خسره نجيب ساويرس وخسارته لقطاع عريض من الناس ( مسلمين ومسيحيين ) بعد نشره صورة كارتونية لميكى ماوس وقد أطلق لحيته ومميمى ماوس وهى منتقبة ... الزمالك ده هيجيب نقطة لجمهوره بدون مبرر !!!!!!!!!! ماكان ماشى كويس وبمسافة كبيرة عن من يلاحقونه ( زمالك .. اخوان ... نجيب ساويرس ) هم ناقع واحد
د.مهندس عصام شرف .... أستاذ الهندسة المدنية بكلية الهندسة جامعة القاهرة ورئيس وزراء مصر .... الراجل ده طالع عينه ومش عاجب ومش هيعجب حتى كاتب هذه السطور .. فالرجل وراءه المجلس العسكرى وفى وشه الشعب .. التركة تقيلة جدا ً والمجلس مصدره ولا يساعده ... لو انت مكانه تعمل ايه ... تسيبها وتمشى ام تحاول عدل المايلة ؟؟؟؟؟؟؟ على فكرة كل من يهاجمون الرجل ليس عندهم حلول لما لا يفعله .... حد فاهم حاجة ؟؟؟؟؟؟؟؟؟؟؟؟؟؟
مصر هتتغير ؟؟؟؟؟ اقول لأ ... ليه ... معظم الشعب مازال مصمم على لأ .. احتكار السلع ... ضرب الأسعار فى السحاب ... الغش والسرقة مازالوا متفشين ... ايه الحل .. نجيب شعب تانى ؟؟؟؟؟ والا نحاول نبقى كويسين مع بعض ... ياعالم ماحدش يرمى زبالة فوق اللى ماشيين فى الشارع ... بلاش تحطوها فى الصندوق .. بس ما تطوحوهاش من البلكونات ... والله دى بداية الإصلاح.....
