الشبكة

مصر .. اسم كبير ولفظ كبير هو صغير جدا ً على وصف مصر .. لذلك قيام مصر من غفوتها والتى طالت جدا ً معناه سقوط الكثير جدا من البلدان والأشخاص معهم .. لذلك كان لابد من السيطرة ... والسيطرة هنا هى السيطرة على الغفوة والنومة حتى لا تصحو ابدا ً لكن هماك الفايظ الذى يمكن السماح به ... وتقديرى الشخصى يقول ان هذا تم وبدهاء شديد بعد هوجة عرابى الشهيرة 1882 ميلاديه واحتلال الإنجليز لمصر مدة 70 عاما ً كاملة زادوها ب4 سنوات للجلاء ... ازاى .. احاول اجيب .. ازاى بلد فى حجم مصر تقوم فيها 3 ثورات فى خلال 90 عاما .. وهذه المدة فى عمر التاريخ لمحة او ومضة فمنذ 1919 والثورة الشعبية الطاحنة والتفاف الشعب كله حول سعد باشا زغلول .. والأحداث التاريخية المعروفة وجرى التضحية بالوزارة وبعض الأشخاص انتهاءا بتشريد سعد باشا ثم عودته وانتهى الأمر بدستور 1923 وكفايه عليكم كدة ... انما ايه اللى اتغير ؟؟؟ ولاحاجة واستمر الغليان حوالى 30 سنة او تقل وحدثت حوادث جسام مثل مطاهرات 45 و46 وظهور ابطال امثال عبد الحكم الفيومى والذى قتله الإنجليز وتحول الى اسطورة تتناقلها الأجيال مع ان هناك من قتلوا وسحلوا وعذبوا بأيدى مصريين قتلة وسفلة وخونة لكن الضحايا لم يذكرهم التاريخ على الوجه البطولى وكأن يد الإنجليز اقذر من يد المصري الخائن ما علينا ... وصلنا لفضيحة حرب فلسطين وبعدها حريق القاهرة وزيادة الفوران ... تحرك الجيش فى 23 يوليو 1952 وقام بالحركة الشهيرة والتى تحولت الى ثورة بتأييد الشعب كله ... فجرى التضحية بالملك ورجالته وركبوه المحروسة وفلع على بلاد برة .. ومسك محمد نجيب الشخص الضعيف وسرعان ما ازيح وتولى عبد الناصر لمدة 18 سنة بما فيها ولها وماعليها ونسلم السادات ثم مبارك والذى جثم على انفاسنا 30 سنة وفار القدر للمرة التالتة .... وخلع 2011 ... وبرضهة مبارك كان الضحية هو وشوية عيال من عصابته ودمتم ... وبرضه مافيش تغيير ....وهنا اسأل سؤال ازاى بلد تحصل فيها 3 ثورات فى 90 سنة بدون تغيير ؟؟؟؟ اكثر من التضحية بشوية رؤوس مالهاش لازمة ؟؟؟؟؟

الشبكة العنكبوتيه والتى تحكم مصر من وراء الستار هى الحاكم القعلى ومستعدة فى حالة فوران القدر لا مانع من التضحية ببعض الكلاب ولبس الشعب العمة وقلوظها ويطلعوا يغنوا ويرقصوا معاه لغايه ماينسى الهبل اللى عمله .

لكن ماهى تشكيلة هذه الشبكة العنكبوتيه الرهيبة ؟؟؟؟ احترت وحاولت ارسم صورة ... يمكن وصلنا لحبل او اتنين من الشبكة دى ؟؟؟ واوعى حد يقوللى التيار الدينى والا الإسلام السياسي والألفاظ المجعلصة من قصة الديماجوجية والبرجماتية والثيوقراطية ... ويدخلوا البشر فى متاهة جحا لغاية مايقولوا جااااااااااااي ..... فعلا الناس لسعت وكله نازل فى كله دبح وتقطيع ... والشبكة بتضرب تعظيم سلام للعنكبوت الكبير اللى يشد حبل العسكر والجيش شوية ويسيبه وحبل الإخوان شوية ويسيبه وحبل الثوار حبتين وينفخهم بكلام حلو جميل من عينة الشباب الطاهر والورد اللى فتح وهووب ينفخهم تانى تخوين واعتقال وقتل لو لزم الأمر (لأن دول هو الوحيدين اللى فاهمين اللعبة ورافضين يقبلوا نتائجها) اما الحبلين التانيين فهم مبسوطين كدة .. مرتاحين كدة .

من المؤكد اننا مش هبل ولا عبط علشان نسكت .... بس حتى لو ؟؟؟؟ محمد محمود واستاد بورسعيد (مذبحتين فقط) ضاع فيهما الكثير من الشباب اللى على حق ناهيك عن ماسبيرو ومجلس الوزرا.....

اموت واعرف مين العنكبوت الكبير اللى معرش على مصر من بعد هوجة عرابي لحد يومنا الحالى .... وعلشان رمضان والفوازير اتصل على رقم ..................... وقول مين هو العنكبوت ؟؟؟ ما اوعدكش انك تحتفظ ..... بحياتك.

سؤال اسأله لنفسي وللراجل اللى ورا عمر سليمان ... انت عاوز تفهمنى ان رئيس مخابرات مصر من 1993 لحد 2011 يموت فجأة برة مصر بمرض مفاجئ ... هوبا كده والمرض ده فى ثانية يضرب جميع اجهزة الجسم مرة واحدة وتعدى كدة ؟؟؟؟ دا عسكري الجيش لازم يتعمل عليه فحوصات دورية ... وراجل بحجم عمر سليمان ... مالوش لازمة ؟؟؟؟؟ ازااااااااااااااااااااااااي .... على فكرة انا لا زعلان ولا فرحان والشخص نفسه بين ايادى الله سبحانه اما عن ماكان يشغله من منصب ؟؟ انا مش بالعها ومش من انصار نظرية انه ولع فى سوريا مع مدير الشاباك.........يمكن العنكبوت يقول حاجة ؟؟؟؟؟؟

رضان شهر الصوم ... ونهار رضان مليان تهييس

الصدمة والصدام

الشيخ حسونه ... الموقف الذى يعيشه لم يعشه اطلاقا ً قبل ذلك لا عندما اعتقله الإنجليز وعذبوه ولا غندما قرر الهرب نظير المحافظة على أرضه وباع ابو سويلم والقضية .. الآن هو محاصر لا يستطيع الهرب او الفكاك .. هو من فعلها بنفسه ... لقد اصبح الرئيس والحاكم ... العسكر كانوا يظنون انه سهل الإحتواء .. سحبوا منه جزءا ً كبيرا ً من صلاحياته كحاكم لشعب فى حجم مصر والثوار وهم من اتوا به بعد سقوط الرموز الثورية لا لشئ سوى انهم غير منظمين .. الآن الشيخ حسونه فى حرب ضروس مع العسكر والثوار وذيول المخلوع.

فى حرب مع الجميع حتى جماعته تضره قبل ان تنفعه فى تصرفاتهم الهوجاء والخرقاء ( الهجوم الدائم على حمدين صباحى والإعتداء على المهندس حمدى الفخرانى ) دا غير المؤيدين الهايفين بتوع لعب الأطفال عينة ( ممدوح اسماعيل الذى تسبب فى ازمة عبيطة مع شيخ الأزهر بنزع البطاقات من الكراسى فى حفل التنصيب بجامعة القاهرة .. علشان البيه يقعد ادام هو والرجالة) .

ويطلع السلفيين عينة ياسر البرهامى ( وهو عالم جليل ) يسب الأزهر علانية .. ماهم كمان عاوزين ضريبة تأييدهم للشيخ حسونة فى الإنتخابات.... وقد قطع على نفسه الوعود والعهود التى لا يستطيع تنفيذها.... .. وهو الآن فى صدام اعتقد انه دام مع العسكر وقد شبهته بأنه فى خناقة بين فريد شوقى والمليجى .... استعان العسكر بالدستورية لإسقاط مجلس الشعب المنتخب ( رغم بغضى وكرهى لهذا المجلس) الا انه منتخب من الشعب وبسرعة الدستورية حكمت بالحل ... وقام الرئيس بالغاء قرار الدستورية وعودة مجلس الشعب وبسرعة يطلع اعضاءها يسبوا الرئيس ويهينوه علنا ً ويطلع الزند وهو من كلاب مبارك ويتهجم ويسب بدون رادع وكمان ماسحة احذية سوزان مبارك المدعوه تهانى الجبالى وقد كانت مجرد محامية فى شركة وبقدرة قادر بقت المستشارة .؟؟؟ نائبة الدستورية ؟؟؟؟ وتنعقد الدستورية تلغى قرار الرئيس .. الغريب والعجيب والحاجة اللى مش فاهمها وعقلى مش قادر يستوعبها .. ان الدستورية وأعضاءها يعينون بقرار سيادى من رئيس الجمهورية .. يعنى لا منتخبين ولا ترتيب وتصعيد وظيفى ولا نيلة يعنى بسهولة رئيس الجمهورية وده حقه قانونا ً يحل الدستورية دى ؟؟؟؟ طيب ما بيحلهاش ليه وهى مناصباه العداء ... الشيخ حسونة لسة الأسبوع اللى فات مكرمهم واحد واحد ومديهم نياشين لأنهم كانوا اعضاء اللجنة العليا للإنتخابات ...... يعنى جابوه علشان يخوبروه ؟؟؟ والا هو استحمل علشان ينقض عليهم واحد واحد ؟؟؟؟ عسكر فى قضاة معينهم المخلوع ومراته واحد واحد؟؟؟؟؟؟الإخوان بقى عاوزين يساعدوا ريسهم بدأوا فى التهريج والكلام الفارغ والهرتلة ... سيبوه ابوس جزمكم واحد واحد سيبوا الراجل يشتغل والا ؟؟؟؟

الأيام القليلة القادمة مليئة بالأزمات وكلها تراكمت .... الأمن لم يعمل والبنزين مشاكله تفاقمت والعيش مش موجود والزبالة زادت وفوق كل ده اعتصامات العوكش والظبايدر عند المنصة ومطالبات ادام القصر الجمهورى من كل نوع افراج عن معتقلين .. ناس عاوزة وظايف ... حق الشهدا .......الخ

هتعمل ايه ياشيخ حسونة ؟؟؟ المرة دة انت فى خانة اليك لا ينفع هروب ولا صفقة 

البداية

تعمدت عدم الكتابة حتى انتهاء نتيجة الرئاسة وحيث انها لاتعنينى شحصيا ً فلست من مؤيدى الشيخ حسونة وكاره لمحمود بيه فالإثنان كما اسلفت لهما من السقطات والصفقات والإتهامات ما قيل وما اشيع وما ثبت ومالم يثبت ..... الخ

المهم نجح الشيخ حسونة بنزاهة او غيرها المهم انه توافق علية 51.7% من عموم حاضري الإنتخابات وهى نسبة فى ظاهرها تعطى الشعور بالديموقراطية الغربية تدق ابواب مصر لكنها فى رأيي نتيجة صادمة وتعبر عن مدى الإرتباك السياسي والحضارى والفكرى الذى نعيشه... فالنتيجة المنطقية لمرشح ينتمى الى الثورة العظيمة التى فجرها الشعب بدمائه ضد المرشح الذى كان رئيس لوزراء آخر عتريس حكمنا هو الإكتساح ... لكن ويالا العجب لقد كان محمود بيه قريبا ً جدا ً من كرسي الرئاسة ولم يفصله سوى بعض مئات الآلاف من الأصوات والتى جرى الالتشكيك فى مصداقيتها....

مالذى يجعل المصريين يتعاطفون مع نظام اذاقهم الويلات طوال العقود الماضية الا الرعب والهلع من جماعة الشيخ حسونة ... والشيخ حسونة لاننكر وطنيته فيما سبق من عهودالا انه وجماعته ياطالما اقاموا الإتفاقيات والصفقات والعهود لعتاريس الفترات المنقضية ليظلوا على قيد الحياة ... ليظلوا محتفظين بما آتاهم الله من رزق ... قل ما تقل او برر ما تبرر وما جعلهم محتفظين بالدماء التى تجري فى عروقهم طوال ال 80 عاما ً المنقضية الا ذلك ... سجنوا ؟؟ نعم .. أذلوا ؟؟؟ الى حد ما لفقت لهم التهم صحيحا ً منها وكذبا ً .. نعم

المهم .. اخيرا وليس اخرا فاز الشيخ حسونة بالنقاط وليس بالضربة القاضية 

على الشيخ حسونة أن يثبت هو جماعته ان ماسبق وقيل عنهم من أهمية تحقيق المكاسب ولو على جثث الثوار ( ايام محمد محمود تركوا الناس تقتل فى الشوارع على يد من اسموهم الطرف الثالث وذهبوا خرافا ً ونعاجا ً جريا ً وراء صناديق الإنتخابات .. وكانت وجهة نظرهم والتى ربما كانت فيها بعض الصحة انها مذبحة مدبرة لو انضموا اليها لزاد عدد القتلى وانتهت المذبحة بفرض الأحكام العرفية وانقلاب من الآلة العسكرية وانهم بموقفهم هذا فوتوا الفرصة عليهم .... ) الا ان الأيام اثبتت ان المجلس سلم السلطة فى موعدها كما اسلف وحدد .

الآن وقد وقع القدر وما اراده الله .. ليس أمامنا الا مؤازرة الشيخ حسونة ضد فلول العتريس وزبانية محمود بيه عسى ان يكون خير رئيس لنا ولا نسمح بإهانته ولو من باب التريقة والنكت .. فذلك شجع خروف من دبي للتهجم على الرمز الذى رضينا به رئيسا ً لنا .. ولنعطه وجماعته الفرصة ربما ينجح فى اثبات خطأ وحهة نظرنا التى اسلفناها 

تحية للشعب المصري العظيم بمافيه من مسلمين ومسيحيين وكافة الطوائف والأعراق والثقافات 

تحية لشهداء ومصابين بدمائهم وصل الشيخ حسونة لمنصب الرئيس

لاتخن الدماء التى سالت  تكن من الفائزين

نتيجة انتخابات الرئاسة

51.7% للدكتور مهندس / محمد مرسي 48.3 % للفريق أحمد شفيق .

قالوا :* المجلس اختار الديك المنفوش اللى عامل هوجة على السطح واللى مجنن الفراخ (كبيره) وده سهل ننتف له ريشة اما الديب المستخبى مستحيل نآمن له ومش ممكن يقعد معانا فى قفص واحد .. هنشرد بعض  (واحد خبيث دماغه مفلسعة)

*المجلس وأمن الدولة المنحل هيطلقوا البلطجية بس المرة دى بدقون وجلاليب قصيرة يضربوا الناس ويقتلوهم فى الشوارع بدعوى ان دول اخوان وسلف ..... نشطاء سياسيون واخوان ... بس انا باقول مش المجلس ولا أمن الدولة دول سلف مفلسعين وبيطالبوا بضريبة مساندتهم لمرسي فى الإنتخابات ورجالة مبارك والعادلى ورا شوية الحثالة دول.

*مصر هترجع تانى أقوى ميت مرة ... الإخوان ؟؟؟ من امتى كنا أقوياء ؟؟؟؟؟؟؟ حتى ايام الزعيم عبد الناصر كانت قوة مظهرية أكتر منها حقيقية ... كل المطلوب فى المرحلة الجديدة عيش بكرامة انسانية وبلاش عنترية فاضية