ارفع راسك فوق انت مصري ... والله انا مطأطئ الرأس هذه الأيام السوداء والبركة فينا يامصريين ... اعتصامات .. اضرابات ... هجمات عصابات منظمة شديدة التنظيم على خلق الله ... حريقة جديدة فى دير فى ادفو ... شماريخ وحرايق فى ملاعب الكورة ... انتخابات .. نازل فيها نص الشعب والنص الباقى بيطحن بعضه علشان ينوبه من حب المرشحين نايب ... هرجلة .. ضرب .. تخويف .. تخوين .. نحن شعب لايستحق الحرية !!! نحن شعب لايستحق غير مبارك وعصابته !!! نحن شعب جاهل وغبي !!!! هل تريدون هذه الأوصاف ياشعب مصر ؟؟؟؟ الظاهر انه على الكيف ... البلد مفلسة ...البلد منهارة ... البلد بتقع ... حد بيقول حاجة ؟؟ ابدا ً .. الشرطة هذه الأيام شديدة وجامدة فى تنظيم المرور الصبح (فقط) بعد كدة تولع .. هى بلدنا .. خليهم يتربوا ويعملوا ثورة .. خللى الثورة تنفعهم .... روح بلغ عن سرقة كدة .. هيقولوا لك هاعمل لك ايه ؟؟؟ بلطجى مدجج بالسلاح يمشى فى الشارع فارد قلوعه ولا مخلوق يقولله بتعمل ايه ... عربيه نص نقل تمشى لك مخالف عكس الإتجاه وياويلك لو فتحت بقك يبقى يومك مش معدى ...الخ .. الخ والباشوات قاعدين يتفرجوا ... المجلس العسكري شكله مستمتع بما يحدث .. ولا قرار قاطع لإصلاح هذه المصايب .. رغم ان اصلاحها سهل .... اشتغلى ياشرطة ... الشرطة مش عاوزة تشتغل ؟؟ يتنيلوا يقعدوا فى بيوتهم ... بدال ما يطلع ملاسيع الإعلام وينونوا ويولولوا على انعدام الأمان فى الشارع ........... يا عالم ياهو .... صوتي انبح .. وراح من كتر ما صرخنا ؟؟؟ شغلوهم او قعدوهم فى البيوت جنب حريمهم ... ترددت حواديت كتير على ان ضباط شرطة يقودون تشكيلات عصابية ... وناس كتير فى وسائل الإعلام ذكروا اسماء هؤلاء الضباط ولا مجيب .....يا مشير يا فريق يا لواءات ... انتوا مش بتحبوا مصر ؟؟؟؟؟؟؟؟ بتاع الداخلية بينيل ايه ؟؟؟؟ مافيش مكاشفة بخطة مستقبلية لإصلاح احوال المعتصمين والمضربين ولو على مدار سنوات ... بس كلام يخش العقل .... الناس هتمتثل ... ان شالله على مراحل كل سنة مرحلة بدال الوعود التى لا تنفذ ؟؟؟؟ انتوا مش بتحبوا مصر ؟؟؟
اللى نازلين انتخابات .. اخوان على سلفيين على ليبراليين على ثوريين ... على كل شكل ولون يا باتستا ... هاتوا لى 10% بس بتحب مصر ؟؟؟؟ انتوا مش بتحبوا مصر
الكل بيهبش فى الكل ... الكل عاوز يحط ايده فى جيب الكل .... وعاوزيننا نقول ... ارفع راسك فوق انت مصري ؟؟؟؟؟
اللهم ارفع مقتك وغضبك عنا يارب
د. على عبد العزيز رئيس حكومة ظل شباب الثورة والمرشح المستقل لمجلس الشعب فئات (مدينة نصر والقاهرة الجديدة) : من انجازات المجلس العسكرى بعد الثورة حماية مبارك ونظامه من الشعب, وتشويه الثورة وتحميلها الانفلات الامنى والتدهور الاقتصادى, ومحاكمة الثوار عسكريا, وتفتيت الشعب الى قوى متصارعة, واجهاض الانتخابات قبل ان تجرى, وعدم تفعيل قانون العزل السياسى, وعدم استرداد اموال مصر المنهوبة, ووضع يده على كل اجهزة الدولة بما فيها (الاعلام والقضاء والازهر), واعادة تشكيل النظام القديم بعدد من الاحزاب الفلولية, واقامة علاقة جيدة مع الكيان الصهيونى, واهم الانجازات على الاطلاق دخول مصر موسوعة جنيس برفع علم مصر على اعلى سارية فى العالم وإلغاء التوقيت الصيقي وتعديل ارقام المحمول وترددات القنوات الفضائية
ReplyDelete