مضطر مرة أخرى ان ارجع الى مسمى الشيخ حسونة ... ماهو احنا انتخبنا شيخ جامع مش رئيس .. واحد واقف على المنبر يحكى خطب دينية لخطبة الجمعة او درس العشاء .... فلا ارى سببا ً واحدا ً لاستفزاز ايران فى أرضها بشكل لا يليق برئيس دولة بحجم مصر .. فالبسملة واتباعها بالصلاة والسلام على أشرف الخلق أجمعين سيدنا رسول الله كافية جدا لبدء كلمة الشيخ حسونة أما استدراكها بالترضى على أصحاب الرسول (ص) وخلفاءه الأطهار ابو بكر وعمر وعثمان .. ليس له اي مبرر الا الإستفزاز ومانعلمه عن عقيدة الشيعة الإيرانيين من كرههم ولعنهم لخلفاء الرسول (ص) .. فهذا الموقف الغريب اذا اتى من المفتى اوشيخ الأزهر لربما التمست لهما العذر أما رئيس الدولة السياسي الذى يبنى جسور العلاقات الدولية فهو أمر غريب .. فهل يجرؤ الشيخ حسونة عندما يذهب الى الولايات المتحدة أن يهجو السيد المسيح وعقيدته ؟؟؟؟ هل يستطيع الشيخ حسونة عندما يقابل أحد المسئولين الإسرائليين بسب عقيدة اليهود (الفاسدة أصلا ً) ... هل و هل .. طيب ماهو كان فى الصين اتكلم على كونفوشيوس ويوذا ؟؟؟؟ بلاش كل ده كلمة وزير خارجية السعودية كان فيها كدة ؟؟؟؟ المهم .. استكمل الرجل كلمته الكارثية بالهجوم الواضح والمعلن على النظام السوري .. وقائده الكلب الأجرب بشار الأسد .. وعلى الرغم من كرهنا لهذا الكلب المسمى بشار .. الا ان النظام لم يسقط والثورة السورية الشريفة ماتت وبقيت الحرب الأهلية المقيتة بين أبناء الشعب الواحد .... بتمويل سعودى قطري أمريكى لتفتيت سوريا وبهذه الكلمة الكارثية فإن رئيسنا الهمام أعطى الضوء الأخضر لأمريكا بالتدخل العسكرى برعاية مصرية ... المصيبة الحارة ان الجماعات الدينية انطلقت بمظاهراتها من الصعيد تطالب بفتج باب الجهاد فى سوريا ؟؟؟؟ الطمى وغطينى وصرخى يا أما .......
لقد علقت على هذه الكلمة فى حينها وقلت انها خطبة كارثية .. وعندما تجرأ أحد الكتاب ( ابراهيم عيسى وقال هذا الكلام ) انهالت عليه الصفحات الإخوانية تقطيعا ً وسبا ً وإهانة ( على الرغم من معارضتى لإبراهيم عيسى واسلوبه المستفز) عقلية مباركية.
من ناحية عكسية .. قامت ممثلة من عراة الشاشة بسب التيارات الإسلامية .. فرد عليها شيخ مفروض انه ملتزم وراجل عالم بأنها زانية وانه اعتلاها غير نفر من الناس وانها تظهر عارية فى الأفلام ... بصراحة مش لاقى تعليق أعلق بيه على سفالة وانحطاط الإتنين.....
طلع قرد من اياهم وغيره من القرود السنجقية يولولون ويلطمون على حرية الإبداع والفن اللى ناوى الإخوان يوقفوها ويقطعوها ... الخ مع ان الحاجة وتمانين مسلسل بتوع رمضان اللى فات مليانة اسفاف وألفاظ خارجة مباشرة وغير مباشرة وتدخل البيوت من أوسع ابوابها ويتعلمها أولادنا لأنها من نجوم ناهيك عن سفالة وعنف وعري الأفلام السينمائية .... بصراحة ياجماعة .. أم الإبداع لوكان كدة ... ياناس دا كل المخرجين بقوا تنتو براس ( اللى يفهمها بقى ).
بيقولوا الصين عملت الواجب معانا والريس بتاعنا دخل دماغهم وهيدلعونا أحلى دلع .. دا حتى هيعملوا عندنا مصنع اي باد والشعب كله من التلميذ للعربجى هيشيل الآي باد ببركة الشيخ حسونة .. رديت وقلت أي رئيس مصري بعد هذه الثورة العظيمة وبمكانة بلد عريق مرتبط بتارخ الصين من عهد الفراعنة لحد ماوتس تونج وعبد الناصر لجد دلوقتى من الطبيعى ان الصين هى اللى تحاول تكسب أكبر بلد فى المنطقة ... يعنى من الآخر انت تشكر يا ريسنا .. بس ما توسعوش العملية مش محتاجة كل الهيصة دى .. لأن الصين هى اللى كسبانة أكتر منك يامعلم.
قالو وقلت وعدنا واتهرينا كلام عن قرض صندوق النقد الدولى لمصر اللى مع بيقولوا كلام فخم من ثقة المجتمع الدولى فى النظام المصري مما يشجع مناخ الإستثمار وجذب رؤوس الأموال .......... نهار أزرق الكلام ده مش كان بيقوله بالنص وبالحرف يوسف بطرس غالى وأحمد عز ورجالته .. هم طلعوا من السجن ورجعوا لنا تانى لابسين ماسكات الإخوان ؟؟؟؟؟؟؟؟؟؟؟؟؟؟؟ أما اللى ضد فدول حدوتة تانية ولا واحد فيهم اتكلم فى الإقتصاد كله قعد يتكلم عن اقتراض بفايدة وده حرام والإخوان منافقين واتكلموا عن الدين والحلال والحرام ................أحيييييييييييييييه .... اقول لكم انا .... المعلم اللى كان رئيس تايوان فى السبعينيات .. البنك الدولى سيئ السمعة عرض عليه قرض 500 مليون دولار .رد عليهم بالرفض مع ان هذا القرض ايامها كان هينعنشه .. وقال انا لو اقترضت مهما حققت معدلات نمو أكبر فأنا لن استطيع سداد الا فوائد القرض المتزايدة مدى الحياة وأقر خطة للنقشف مع ان تايوان ليس عنها موارد طبيعية الا الصناعة والصيد ... اما احنا ناس عولة عندك تزرع الساحل الشمالى قمح على مياه المطر فى سنة واحدة تقدر تجيب 5 مليار جنيه لو زرعن 10000 فدان بس ومش هتعمل اى حاجة اكتر من طيارة ترش وترمى البذور .... وعندك أكبر مزرعة سمكية فى العالم 4000 فدات .. تكفى مصر كلها سمك وتكسب ليها مايقلش عن 5 مليار جنيه ... لأ وخد عندك (حتى روح اسأل شركة نستلة ) أراضى الوادى الجديد واستزراع الاف الأفدنة وزرعها بالبرسيم المسمى برسيم حجازى منها كفيت أكل الحيوانات وعمل مزارع حيوانية مفتوحة تأكل مصر كلها لحمة الكيلو ساعتها مش هيوصل 20 جنيه وأرباح بالزوفة.
مبارك غار وقعد لينا الشيخ حسونة ........ ألطم؟؟
No comments:
Post a Comment