السنة الجديدة

2011 بيلم اوراقه ومروح بكل أحداثه .. اللى بصراحة أحداث وكمها ومعناها مستحيل تكرارها فى القرن كله على الأرجح .. دا طبعا لو مد الله فى عمر الأرض.... فقد بدأ العام بداية ساخنة امتدادا ً لآخر اسبوعين من العام اللى قبله وتحررت تونس من طاغيتها بداية هذا العام (ابن المحظوظة) .. وبعدها .. مصر مش تونس ماتخافوش يارجالة احنا زى ما احنا وبعدين احنا كنا فى شوية مصايب بدءا ً من تفجير القديسين فى الأسكندرية والقبض على السيد بلال وتعذيبه وانتهاءا ً بقتله .. وفى الآخر قالوا الجيش الإسلامى المجاهد فى افغانستان هو اللى فجر الكنيسة ... وفجأة .. ثار الشعب طلع على الدين هلال أفندى ( طبعا هو دلوقتى تحت البطانية فى بيتهم) وقال 30 الف لايمثلون الشعب المصري .؟؟؟ تانى يوم طلع صافو افندى الشهير بصفوت وقال دى ضريبة الديموقراطية وان فيه مخربين وراء الأحداث وان شوية العيال دول لايمثلون 85 مليون مصرى ( هو دلوقتى فى منتجع طرة بيتش )وعلشان ما نطبلش فى المطبل ... 11 فبراير غار المخلوع فى 60 داهية وعشنا فى فرحة مابعدها فرحة وصدقنا ان طنطاوى قصدى الجيش حمى الثورة وطبلنا ورقصنا وطلعنا فوق الدبابات نحضن العساكر .. بينما الحقيقة المرة الذى لا يمكن أن يصدقها أحد أن طنطاوى أول من خان الثورة هو ورجاله العظام بتقاعسهم الشديد ضد فرض الحراسة على المخلوع وعدم محاكمته الا بعد ان استقر فى شرم الشيخ مدة تجاوز ال 3 شهور رتب فيها أوضاعه وهرب وأخفى ماجمعه من ثروات .. وبعدين بلغت البجاحة انه يطلع بصوته فى قناه عربية يقول فيها خطاب للشعب .. بعدها باين عليه قال لتابعه قفة .. انا مستعد لمسرحية تطول تقصر مش مشكلة المهم انى اخلص من القصة دى .. ونفذوها ومازالوا ينفذونها بكل حرفية ( محاكمات اشبه بمسرحية من مسرحيات ثلاثى أضواء المسرح القديمة ... 50 سنة فاتت ) ولازم الشعب الأهبل يصدق .. قاضى زبالة محامين قذرة ..... جيش وشرطة متواطئة .. وخلال 11 شهر كانت انجازات مجلس العار ... تصفية جميع القوى الثورية اما بإلقائهم بالسجون ( 12000 سجين ) أو تصفيتهم الجسدية بالضرب المباشر المميت .. والأعداد المعلنة بالمئات.. فى أحداث 8 مارس الشهيرة بكشوف العذرية أو أحداث 9 ابريل أو 27 مايو و أحداث ماسبيرو فى سبتمبر والحقوا يامصريين الجيش بينضرب يارجالة علشان يدهسوا الناس (سواء كانوا مصيبين او مخطئين .. مسلمين أو مسيحيين كانوا بش مصريين)أو 28 يوليو أو 18 و 19 نوفمبر الشهيرة بأحداث محمد محمود وأخيرا 18 ديسمبر الشهيرة بأحداث مجلس الوزراء  .. أو بالتصفية المعنوية باتهامات العمالة والقبض من الخارج والإستقواء بدول أجنبية وتشويه السمعة .. اصل بصراحة المخلوع كان احلى من الشرف مافيش ...

ثم كانت الخيبة والفضيحة المدوية .. تعريه وسحل نسوان 

وطبعا مجلس العار وأعوانه قالوا كتير من اتهامات غريبة ؟؟؟؟

وكان من أحداث 2011 زوال القذافى وثورة فى اليمن وتصفية سوريا من سكانها على أيدى نظام بشار الكلبائي الشهير باللبؤة

توقعات 2012

مزيد من الدماء الزكية لتطهير الثورة من الدنس الذى الحقه بها مجلس العار

كشف مشايخ الإنتخابات أمام الشعب

طنطاوى مع مبارك الى مزبلة التاريخ

بعض ممن لسة قاعدين على الكنبة ياييتنيلوا يفوقوا أو يتنيلوا يريحونا ويبطلوا كلام مرعوب من حرب أهلية وبتنجان بالتقلية.

حفظ الله الوطن وأهلك أعداءه

سؤال أخير كل يوم أسأله لنفسي ..... هل هذا هو جيشنا العظيم الذي دحر اسرائيل فى 73 ؟؟؟؟ هل هو فوق النقد ؟؟؟ كل ما تكلم حد يقوللك الجيش ده خط أحمر هو اللى حمانا .؟؟؟؟ الجيش حمى نفسه يابشر ...الجيش دة انا وانت ؟؟ مافيش واحد يطلع فيهم ويقول ان له فضل علينا علشانه حارب ومات منهم ناس .... اللى بيحارب ده بيحارب علشان مين .. علشان دينه وبلده وأهله .. وأهله مواطنين زينا .. وهو فى شغله زيه زيي مهندس , طبيب , محامى ...مدرس .... الخ .. انا مش باطنطط عليك ياظابط الجيش .. ماتقوليش انا عايش فى الصحرا وبيطلع عين أهلى فى التدريبات علشان احميكم ؟؟ لالالالالالالا ده شغلك اللى بتاخد عليه فلوس .. انت بتشتغل عندى .. انت بتاخد فلوس من الضرائب اللى انا بادفعها .. انا لما باتحال على المعاش مش باخد ربع مليون جنيه ولا بأتعين مدير ادارة هندسية مع ان معلوماتك الهندسية لاتتعدى نظرية فيثاغورث .. ولا باتعين حاكم اقطاعية (محافظ) او رئيس مجلس مدينة .... وحتى لو فلت منك كل ده تشتغل خابور استراتيجى ؟؟؟ احنا من بعض ياجيش .. انت ملكنا .. ومتأكد ان من بينكم ناس وطنيين بتحب البلد وتموت فداءا ً له .. انت بتاعنا مش بتاع المخلوع وتابعه قفة

صحوة أتباع المخلوع

الشيخة ماجدة المكشوف عنها اللحاف بتنادى بإعادة المخلوع؟؟؟؟؟؟ أحسن يقوم زلزال يدمر البلد وبتعو لمليونية علشان المخلوع يرجع فى قرار التنحى ؟؟؟؟؟؟؟؟؟؟؟؟؟؟؟؟؟؟؟؟ لايتندر احد بأنها ولية مجنونة ؟؟؟؟

هل هذا ارهاص بشئ يدبره أعوانه ؟؟؟

واحد تانى ربنا يحميه هو كمان بيقوللك ان فيه حرب أهلية يوم 25 يناير ؟؟؟؟؟؟؟؟؟؟؟؟؟؟

يا خلق .... الثورات لاتقهر .. ربما طال زمن التطهير .. لكن عقارب الساعة لايمكن ان تدور عكس اتجاهها.

المجلس العسكرى او مجلس العار ..... فاشل فاشل فاشل ... وأصبح هو الآخر من مروجى الإشاعات

فرجه قريب

فلما ضاقت واستحكمت حلقاتها حتى ظننت انها لن تفرج ... فرجت .... مثل قديم .. لكن الضيق والاستحكام الآن اكاد أجزم انه صار حول رقاب أغبياء مجلس العار ومناصريهم .. نظام رمز البطة تيفة .... قد يقول البعض باستهزاء هل هذه ديموقراطية وأدب الحوار .. ارد عليه واين منكم من اعاءات العمالة والتخوين التى رميتموها فى وجوه جميع من قال لا لزبانية مجلس العار ... تقولون ان الأغلبية الصامتة تعبت وتريد استقرار .. ييييييييييييييييييه على الكلام التافه المكرر العبيط الذى أصبح لايرد عليه ؟؟؟ فقد هتف هؤلاء الجهلة الأغبياء فى العباسيه افرم افرم يامشير افرم افرم فى التحرير ؟؟؟؟؟؟ وبعدين هتفوا للمخلوع ... وبعدين اتسلطنوا على انغام اغنية سيجارة بنى ؟؟؟ هل يجوز التعليق على كلام الحيوانات ؟؟؟؟؟؟ الكلاب تنبح والقافلة تسير .... وبعدين خرج علينا عبقرينو بتاع مجلة ميكى زمان .. اخده مجلس العار مستشار ... عبقرينو خرج بيان .... قمة فى العبط والتهريج ...؟؟؟ قال ايه ان فيه مؤامرة دولية لإسقاط مصر الدولة والجيش يوم 25 يناير .... طيب مين اللى عامل المخطط ؟؟؟؟ طيب قبضتوا عليهم وهتحاكموهم ؟؟؟ لالالالالالالالالالالالالالالالا ... عبقرينو فلتة زمانه بيستنجد بالمواطنين الشرفاء ( بتوع السيجارة البنى ) علشان يفشلوا المخطط اللولبي ده ؟؟؟؟؟؟؟؟؟؟؟؟؟؟ المفروض انى اركب ديل وأصدق ؟؟؟ والا استنجد بالفيل بتاع عمنا اميتاب باتشان يمكن لما يلعب ودانه واربطه تحت البيت أصدق وأفهم ؟؟؟؟ ان جيشنا المغوار وجميع أجهزته الأمنية والشرطية ياعينى ياحرام من قوة المخطط بيستعين بالمواطنين الشرفاء اللى أحنا طبعا مش منهم؟؟؟؟؟؟؟؟؟ لأن المواطنين الشرفاء معاهم سنج وسواطير ومطاوى وشوم طبعا ً لزوم تسليك السنان ... يعنى مجلس العار عاوز يأدب مصر وشعبها يوم 25 يناير ... أقوللك على لسانى ولو أصبحت الوحيد فى مصر الذى سيقول لك لالالالالالا  ... سأقولها ورزقى ورزق أولادى على الله

سألنى أحدهم .. هو فيه حد فى مجلس العار ده معاه شهادة محو الأمية ؟؟؟؟؟ لم أستطع الإجابة

أول مواطن ابن ........... قصدى شريف أهل دائرته محاصرينه فى بيت وناويين على مالايحمد عقباه

لسة لما نشوف فضائح باقى شرفاء مجلس العار 

ياحبيبتى يامصر

مبارك غار وهانت طنطاوى ومجلس العار وراه ... وستبقى مصر وجيشها

كلنا فشلة

فعلا الكل فشلة ... الفيديو قال كل شئ نقوله من 10 شهور

ولاتعليق بعد ذلك

مولد سيدى الإنتخابات

دم الشهداء من 25 يناير الى 19 نوفمبر فجأة اصبح لا معنى له 

انتخابات بدأت من يوم 28 نوفمبر بعد أن اصرت القوى السياسية على اجراء الإنتخابات العرجاء الكتعاء .... انتخابات مجلس العار .... قتلونا بدم بارد وفاوضوا الإخوان والسلف على التورته .........

وفاز الإخوان والسلف فى المرحلة الأولى بحوالى 70% من القوائم وتقريبا 97 % من الفردى

وزغرتى يا ام المتطاهر ... لقد انتصر الحق والدولة هتبقى اسلامية ( اصلنا كنا مش كدة ) وتبارى الإعلاميون السفهاء فى استضافة الإخوان والسلف ليسألوهم سؤال واحد تافه ومكرر ... هو انتوا صحيح هتمنعوا المايوه البكينى والخمرة والقمار .... ويبدأ الضيف الهمام فى الإجابة البلهاء ومحاولة دفاع عرجاء وعبيطة ... المصيبة انها تتكرر على جميع الفضائيات بدون استثناء .... اما دم الشهداء وحق الأمة فلا يسأل عنها ولا يتطرق لها الشيخ ابو لحية ... منتهى الإسفاف ... منتهى قلة الأدب والذوق .....وطبلى يا ابلتى ( المقصود بأبلتى هو الأخ المشين .... لأن الناس بصراحة برضه انساقت ورا الهبل والعبط والدفاع عن حق المايوه البكينى فى العيش فنسوا الأبلة والمعلم اللى مشرف فى الفندق العالمى وبالمرة نسوا الشهداء ودمهم فكان لازم التذكرة لمن يريد الذكرى ).

وبالمناسبة تصدقوا ان مجلس العار غير الوزارة ... وتصدقوا سموها حكومة انقاذ وطنى وابلتى وصبيانها ملوا الجرايد بالتصريحات الملتهبة وفنجرية البق قالوا الوزارة الجاية ليها كل الصلاحيات ... وقعدوا يدوروا على رئيس وزارة ثورى وشخصية جبارة زى عمنا الأسكندر الأكبر كدة ... يعنى يلم البلد كلها فى 2 كلام ويدخل البلطجية اعشاشهم ... ولقوه ... وياريتهم مالقوه .... عارفين لقوه ازاى ... احكي لكم ومش هاطول .. كان فى بورسعيد زمان تمثال موقفينه ادام مدخل القنال .. كان التمثال ده بتاع عمك الحاج فرديناند دليسبس ... المهم التمثال ده شالوه سنة 56 بعد تأميم الكنال ورموه فى مخازن هيئة قناة السويس ... قوم ايه بقى مجلس العار خد مفتاح المخزن وراح يطلع عمك الحاج ديليسبس لقى جنبه تمثال شبهه بس مكلبظ شوية اسمه الجنزوري .. قاللك فل الفل دا حلو ... وسيب التانى لطلعة جاية ... وشالوا التراب من على الجنزورى ولمعوه وقالوا انه كان من معارضى المخلوع لمدة 18 سنة كان معاه فيها ؟؟؟؟ ازاى مش عارف 18 سنة معارض وكان بيترقى ..... من وزير تخطيط الى نائب رئيس وزراء الى رئيس وزراء .... منتهى الثورية ....وجه عمنا من المخزن واختار افظع وزارة ثوريه من ايام الملك رعمسيس الأول .. ايوة رعمسيس ... 12 وزير من الوزارة اللى فاتت منهم زير الإعلام صاحب المصايب العالمية الى وزيرة التخطيط اللى يفوت القطر بتاع الصعيد 5000 مرة وهى لسة قاعدة بتخطط لإيه الولية دى مش عارف ... وجاب وزير داخليه مالوش حل هو ده اللى هيخليها فللى ... مدير الأمن العام .. اللهم صلى على كامل النور .. بس انتوا هتستهبلوا ليه ماهو جايب بتاع 20 وزير من الشباب .. بأمارة رانيا علوانى وال19 الباقيين حاططهم تحت السرير ...... على فكرة ديليسبس زعلان قوى ... رغم ان محاولات مجلس العار اندوره جاى ومايقلقش ... الا انه بعت للمشايخ بتوع الإنتخابات علشان يعمل حلف معاهم ضد العسكر اللى قنطروه .

وابسط يامعلم وطبلى بذمة يا أبلتى وارقصوا يا عوالم وهيصوا ياصبيان .....وافرح يا بكينى فقد أصبحت حديث الساعة

وليبكى أهالى الشهداء وليصرخ التحرير ... ولا مجيب ....

وينزل جميع الخونة الى ميدان العباسية وبصراحة هو مناسب جدا ً لهم .. فبالقرب منهم العنابر فى المستشفى يخلصوا الطلعة ويرجعوا على طول بلا ميدان مصطفى محمود اللى فى اخر الدنيا ولا غيره ... اهو قريب من السكن برضه يهتفون لمجلس العار بالضبط زى ما كانوا بيهتفوا للمخلوع .............. اتفووووووووووووووووووووو

ارحمنا يارحمن يا رحيم

وجهة نظر

قتل المصريين ... وجهة نظر المجلس .... بعد القتل السحل والرمى فى الزبالة .... وجهة نظر .... لا لا لا دا فيه طرف ثالث بيضرب الجنبين .... وجهة نظر .... دا اذا كان فيه نظر اساسا ً .... كمال الجنزوري .. وزير التخطيط 18 سنة فى عهد المخلوع وسابقه المقبور ... ثم رئيس وزراء المخلوع .... و هو الآن 77 سنة .... عدم نظر من المجلس و الإخوان عملاء مجلس العار والسلف الموعودين ببعض الحقائب الوزارية ونسبة معقولة فى برلمان العار .....

مجرد طرح قصة الطرف الثالث (اللهو الخفى) فهو اما الفشل الذريع فى الإدارة او التواطؤ الرهيب مع فلول المخلوع والمخلوع نفسه .. والنتيجة واحدة ... حمار لو سقط بى من فوق الجبل نفس نتيجة قاتل يقنصنى ... الموت 

خذ عصاك وارحل يا مجلس العار ....اذهب الى غير رجعة

جدع ياباشا لعمرو قطامش

جدع يا باشا قتلتنى
وبغاز مسيل سممتني
ومن الحياة ريحتني
نسيت انك كمان دبحتني
جمب الزباله ركنتني
وعلي ارض مصر سحلتني
معقوله لسه ما عرفتني؟
ها يا باشا افتكرتني؟؟
انا يا باشا اسمي شهيد
مانيش واحد من العبيد
تدوس عليه وتقول اصله عنيد
انا اللي صفيت عيونه بدوسة ايد
انا اللي كنت في التحرير جايب لمصر عهد جديد
لساك يا باشا بتقول نسيت؟
معذور يا باشا في مني كتير
قوللي يا باشا ما سمعتش ليه كلام الوزير
قاعد يقول ضبط النفس وهو كلب زي المشير
عيب يا باشا لما تقول البلطجيه هما اللي في التحرير
عيب يا باشا لما تقول ان الشهيد مجرم خطير
قول للمشير كفايه كلام اصل كلامه بقي كتير
لسه بيسأل عن الرحيل ويقول حددوا انتو المصير
انا موافق علي الكلام بس عندي سؤالين اتنين
احمد حرارة عيونه فين؟
وحق الشهيد نجيبه منين؟
قوله يا باشا لو عنده اجابه اوام يقول واحنا مستنيين
خلص الكلام اعذرني يا باشا الود ودي اقول كمان
بس معلش كده كفايه بيندهوني في اعلي الجنان
ياريت توصل كلامي يا باشا يا ريت تقول
انا مش جبان
3omar el so3'eir *EG* ♡♡
: Amr Katamesh wrote:
جدع يا باشا
جدع يا باش قتلتنى
وبغاز مسيل سممتني
ومن الحياة ريحتني
نسيت انك كمان دبحتني
جمب الزباله ركنتني
وعلي ارض مصر سحلتني
معقوله لسه ما عرفتني؟
ها يا باشا افتكرتني؟؟
انا يا باشا اسمي شهيد
مانيش واحد من العبيد
تدوس عليه وتقول اصله عنيد
انا اللي صفيت عيونه بدوسة ايد
انا اللي كنت في التحرير جايب لمصر عهد جديد
لساك يا باشا بتقول نسيت؟
معذور يا باشا في مني كتير
قوللي يا باشا ما سمعتش ليه كلام الوزير
قاعد يقول ضبط النفس وهو كلب زي المشير
عيب يا باشا لما تقول البلطجيه هما اللي في التحرير
عيب يا باشا لما تقول ان الشهيد مجرم خطير
قول للمشير كفايه كلام اصل كلامه بقي كتير
لسه بيسأل عن الرحيل ويقول حددوا انتو المصير
انا موافق علي الكلام بس عندي سؤالين اتنين
احمد حرارة عيونه فين؟
وحق الشهيد نجيبه منين؟
قوله يا باشا لو عنده اجابه اوام يقول واحنا مستنيين
خلص الكلام اعذرني يا باشا الود ودي اقول كمان
بس معلش كده كفايه بيندهوني في اعلي الجنان
ياريت توصل كلامي يا باشا يا ريت تقول
انا مش جبان

خطاب مبارك

لست فاقدا ً للزمن .. ولست ذو ذاكرة سمكية حتى انسى ما قاله المخلوع فى ثانى خطاباته يوم 1 فبراير 2011 وتبعه موقعة الجحش ... ومع ذلك اصر المشير طنطاوى ( والذى جاءته فرصه ذهبيه لدخول التاريخ من اوسع ابوابه وفرط فيها بكل غباء ) ان يكرر نفس الخطاب حتى بدون تعديل فقراته المستفزة من كلمات لست طامعا فى سلطة وسأسلمها بعد 6 شهور وكلمة ضحاياكم ... ياربي نفس الكلمات الهشة الضعيفة المستفزة .......... مجلس العار ليس هو الوحيد المسئول عن ما وصلت اليه الأحوال ولكن معهم ايضا ً مايسمى بالنخب والتى امتطت موجة الثورة وروجت لنفسها على انها من ابطال الثورة وهم اصلا كانوا من عصابات مبارك المخلوع المنظمة واضيف اليهم خونة الإخوان المسلمين الذين كل همهم الإنتخابات المقبلة على اساس انهم مكتسحوها ... مجلس العار كلفناه بحمايتنا فقتلنا ورمى علينا الغازات والرصاص المطاطى .... قال لى أحد العقلاء ... اننا نطلب منهم ما هو اعلى من قدراتهم العقلية ...

خطاب المشير طنطاوى

مجلس العار ... الإخوان المسلمين ... انخب الخائنة ... الى مزبلة التاريخ

حفظ الله الوطن

قصيدة الميدان : للشاعر الكبير عبد الرحمن الابنودي

أيادي مصرية سمرا ليها في التمييز
ممددة وسط الزئير بتكسر البراويز
سطوع لصوت الجموع شوف مصر تحت الشمس
آن الأوان ترحلي يا دولة العواجيز

عواجيز شداد مسعورين أكلوا بلدنا أكل
ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة صحوا القتيل من القتل
اقتلني قتلى ما هيعيد دولتك تاني
بكتب بدمى حياة تانية لأوطاني
دمي ده ولا الربيع الاتنين بلون أخضر
وببتسم من سعادتي ولا أحزاني

تحاولوا ما تحاولوا ما تشوفوا وطن غيره
سلبتوا دم الوطن وبشيمته من خيره
أحلامنا بكرانا أصغر ضحكة على شفة
شفتوتش الصياد يا خلق بيقتلوا طيره

السوس بينخر وسارح تحت أشرافك
فرحان بيهم كنت وشايلهم على كتافك
وأما أهالينا من زرعوا وبنوا وصنعوا
كانوا مداس ليك ولولادك وأحلافك

ويا مصر يا مصر آن العليل رجعتله أنفاسه
وباس جبين للوطن ما للوطن داسه
من قبل موته بيوم صحوه أولاده
إن كان سبب علته محبته لناسه

الثورة فيضان قديم
محبوس مشافوش زول
الثورة لو جد متبانش فى كلام أو قول
تحلب وتعجن فى سرية تفور فى القلب وتنغزل فتلة فتلة فى ضمير النول

متخافش على مصر يا با مصر محروسة
حتى من التهمة دى اللى فينا مدسوسة
ولو أنت أبوها بصحيح وخايف عليها
أي تركتها ليه بدن بتنخره السوسة

وبيسرقوكى يا الوطن قدامنا عينى عينك
ينده بقوة الوطن ويقلى قوم
فينك ضحكت علينا الكتب بعدت بينا عنك
لولا ولادنا اللى قاموا يسددوا دينك

لكن خلاص يا وطن
صحيت جموع الخلق قبضوا على الشمس بأيديهم
وقالوا لا من المستحيل يفرطوا عقد الوطن تاني
والكدب تاني محال يلبس قناع الحق
بكل حب الحياة خوط في دم اخوك
قول أنت مين للي باعوا حلمنا وباعوك وأهانوك

وذلوك ولعبوا قمار بأحلامك
نيران هتافك تحرر صحبك الممسوك
يرجعلها صوتها مصر تعود ملامحها
تاخد مكانها القديم
والكون يصالحها عشرات السنين تسكونوا بالكدب فى عروقنا
والدنيا متقدمة ومصر مطرحها

كتبتوا أول سطور فى صفحة ثورة
وهما علما وخبرة مداورة ومناورة
وقعتوا فرعون هرب من قلب تمثاله
لكن جيوشه مازالوا بيحلموا ببكره

صباح حقيقي ودرس جديد أوي في الرفض
أتارى للشمس صوت وأتاري للأرض نبض
تانى معاكم رجعنا نحب كلمة مصر
تانى معاكم رجعنا نحب ضحكة بعض

مين كان يقول ابننا يطلع من النفق
دي صرخة ولا غنى وده دم ولا شفق
أتاريها حاجة بسيطة الثورة يا أخوانا
مين اللي شافها كده مين أول اللى بدأ

مش دول شاببنا اللي قالوا كرهوا أوطانهم
ولبسنا توب الحداد وبعدنا أوي عنهم
هما اللي قاموا النهارده يشعلوا الثورة
ويصنفوا الخلق مين عنهم ومين خانهم

يادي الميدان اللي حضن الذكرى وسهرها
يادي الميدان اللي فتن الخلق وسحرها
يادي الميدان اللي غاب اسمه كتير عنه وصبرها
ما بين عباد عاشقة وعباد كارهة

شباب كان الميدان أهله وعنوانه
ولا في الميدان نسكافيه ولا كابتشينو
خدوده عرفوا جمال النوم على الأسفلت
والموت عارفهم أوي وهما عارفينه

لا الظلم هين يا ناس ولا الشباب قاصر
مهما حاصرتوا الميدان عمروا ما يتحاصر
فكرتنى يا الميدان بزمان وسحر زمان
فكرتني بأغلى أيام فى زمن ناصر

شايل حياتك على كفك صغير السن
ليل بعد يوم المعاناة وأنت مش بتأن
جمل المحامل وأنت غاضض
بتعجب أمتي عرفت النضال
اسمحلي حاجة تجن

أتاريك جميل يا وطن مازلت وهتبقى
زال الضباب وانفجرت بأعلى صوت
لا حركتنا نبتسم ودفعت أنت الحساب
وبنبتسم بس بسمة طالعة بمشقة

فينك يا صبح الكرامة لما البشر هانوا
وأهل مصر الأصيلة اتخانوا واتهانوا
بنشتري العزة تاني والتمن غالي
فتح الوطن للجميع قلبوا وأحضانوا

الثورة غيض الأمل وغنوة الثوار
الليل إذا خانه لونه يتقلب لنهار
ضج الضجيج بالندا اصحى يا فجر الناس
فينك يا صوت الغلابة وضحكة الانفار

وإحنا وراهم أساتذة خايبة
تتعلم ازاي نحب الوطن وامتى نتكلم
لما طال الصدى قلبنا ويأسنا من فتحه
قلب الوطن قبلكم كان خاوي ومضلم

أولنا في لسة الجولة ورا جولة
ده سوس بينخر يا أبويا في جسد دولة
أيوه الملك صار كتابة إنما أبدا
لو غفلت عينا لحظة يقلبوا العملة

لكن خوفي مازال جوه الفؤاد يكبش
الخوف اللي ساكن شقوق القلب ومعشش
واللى مش راح يسيبه ولسه هيبقوا
وهيلاقولهم سكك وببان ما تتردش

وحاسبوا أوي من الديابة اللي في وسطيكم
وحاسبوا أوي من الديابة اللي في وسطيكم
وألا تبقى الخيانة منك وفيكم

الضحك على البق بس الرك على النيات
فيهم عدوين أشد من اللي حواليكم

ضحك أم بكاء؟؟؟

ما أشبه يناير ب نوفمبر .... نفس الغباء نفس الأساليب المتبعة بدون حتى محاولة للإبتكار .... مجلس العار ضرب الناس بالرصاص المطاطى والحى والخطوش والقنابل المسيلة للدموع وقتل على مايربو على ال50 وطلع فنجري البق يقول قلة مندسة وأجندات خارجية وبدال موقعة الجحش دخل بحيواناته (الأمن المركزى) الى الميدان فى محاولة فاشلة وغبية لإخلائه من الناس ..أطرف وأظرف شئ فعلا ً فى الفيلم الحمضان المعاد أكتر من إعادة أفلام اسماعيل ياسين هو مظاهرة تأييد مجلس العار ... بالضبط زى مسيرة تأييد المخلوع فى ميدان مصطفى محمود .. وزى ما المخلوع ضحى بنظيف وحكومته ... مجلس العار بيضحى بشرف وحكومته ( اللى هما الإتنين نظيف وشرف ) ما لهومش اي لازمة ... الأولانى كان راكبه جمال مبارك ومدلدل رجليه والتانى مشير العار راكبه وبرضه مدلدل رجليه ... وزى ما العادلى لبس موضوع قتل المتظاهرين ... العيسوى هيلبس نفس التهمة ( فين التجديد) .. طيب ياعم العيسوى ابتكر اساليب جديدة فى القتل ... مثلا ً ارمى على المتظاهرين لب اسمر وسودانى يقعدوا يقزقزوا فيه لغاية ما يحصل ليهم انتفاخ ويقعدوا على الأرض ما يتحركوش .. او مثلا يعنى شوية البانجو اللى عندهم فى الأحراز يهربها الميدان محشية فى سجاير .. اللى مش هيتسطل .. هتقبض عليه بمخدرات ...؟؟؟ الأساليب كتيرة ... انما هى هى .. ضرب فى العين اليمين او فى الرأس أو فى منطقة القلب ... العالم دى مش بتشوف أفلام أمريكانى خالص .

أظرف تعليق سمعته من مناقشة مع أحد أفراد مجموعة احنا اسفين يا مجلس العار ... الناس بتموت وبتنضرب بالرصاص ... فرد فاشخا بقه " وهم ايه اللى وداهم هناك "

حفظ الله الوطن من الأوغاد ومن مجلس العار

مجلس العار

رفض المشير طنطاوى ورفاقه ان يدخلوا التاريخ من أوسع أبوابه مكللين بالغار والفخار وأصروا أن يدخلوا التاريخ من أوسخ أبوابه وأيديهم ملوثة بالعار ودماء المصريين ... مجلس العار .. استلم السلطة من المخلوع رغما ً عنه وعنهم فهم أولاده وربيبي نعمته ... فقد صمت هذا المجلس على جرائم البلطجة التى ملأت مصر منذ الحادى عشر من فبراير 2010 ولم يأخذ فيها اى فعل وترك الحبل على الغارب لكلاب الشرطة وفلولها لتفعل ماتريد بالشعب من تسليط العصابات من سرق ونهب وخطف ( وكلها مثبت بالأسانيد والحجج ) ..... مجلس العار ترك البلطجية يحاصرون دمياط بمينائها 11 يوم بدون تدخل الى أن حلها وفض المعتصمين رجل وطنى شهم ( د. ممدوح حمزة ) بالعلم والإقناع وهذا اول مايفتقده هؤلاء اللواءات الذين يجثمون على صدر الوطن ... وعندما وجدوا 200 من المعتصمين بالتحرير بدون أسلحة الا وضربوهم بعصاهم الغليظة ( الأمن المركزى ) بالخرطوش والقنابل المسيلة للدموع .. والرصاص الحى .. وقتلوا الى الآن 10 شهداء جميعهم بالرصاص ... وحوالى 1500 مصاب .. حصيلة يومين فقط بالإضافة الى 12000 مصري فى السجون جراء المحاكمات العسكرية التى يحاكمون بها الشعب والمخلوع وعصابته يحاكمون امام قاضى موالى مدنى بيطبطب عليهم ؟؟؟؟؟؟؟؟؟؟؟؟؟

يا مجلس العار .. الحل الروسى فى الطريق اليك .. سلم تسلم ..... سلمها الى من يحبونها واتركنا يا مجلس الشؤم والعار ... يا مجلس ناديناك كثيرا ً ... لكنك تصر على الندم .. وسيأتى عليك يوم لا ينفع فيه الندم .

ارحل وعارك فى يديك كصديقك وربيبك الفرعون المخلوع ... اللواى الفنجري (بق ) وكأنه عمر سليمان .. فئة مندسة و أجندات خارجية ... ماقلتش على اي أجندة مكتوب فيها ايه .. قاعد يوزع فى اتهامات على رجل الأعمال اللى بيعطى كل واحد 5000 جنيه علشان يتظاهر هو مين يافنجرى وانا اروح اجيبه اصلبه فى التحرير ؟؟؟؟.. ما تجيبه يافنجرى واتعدمه والا هى فنجرة بق ...... و40 شخصية متورطة فى التحريض على عدم الإستقرار ؟؟؟ هم مين الأربعين دول ... ؟؟؟ عصابة الأربعين حرامى ؟؟؟؟ 

على فكرة يافنجرى .. مؤسسة محمد علاء مبارك داخل ليها لحد دلوقتى من 12 فبراير 2010 جالها من الإمارات بس 96 مليون جنيه ( فى تقرير لجنة تقصي الحقائق ) بيشتروا بيها لب وفول ومناديل ينفوا فيها وهم بيعيطوا على المخلوع ؟؟؟ وقومتم الدنيا والآخرة على حركة 6 ابريل انهم بيسافروا صربيا ؟؟؟؟ صباحك زي وشك ..... ياخونة ... يا مجلس الخونة .. انتم تتآمرون على مصر ... ومآلكم فى الأقفاص كالحيوانات مع مخلوعكم.

بدأتم العنف على درب المخلوع .. فتحملوا ما سيفعله معكم الشعب

ارحل وعارك ومخلوعك فى يديك

رفقا بمصر يا مصريين

ارفع راسك فوق انت مصري ... والله انا مطأطئ الرأس هذه الأيام السوداء والبركة فينا يامصريين ... اعتصامات .. اضرابات ... هجمات عصابات منظمة شديدة التنظيم على خلق الله ... حريقة جديدة فى دير فى ادفو ... شماريخ وحرايق فى ملاعب الكورة ... انتخابات .. نازل فيها نص الشعب والنص الباقى بيطحن بعضه علشان ينوبه من حب المرشحين نايب ... هرجلة .. ضرب .. تخويف .. تخوين .. نحن شعب لايستحق الحرية !!! نحن شعب لايستحق غير مبارك وعصابته !!! نحن شعب جاهل وغبي !!!! هل تريدون هذه الأوصاف ياشعب مصر ؟؟؟؟ الظاهر انه على الكيف ... البلد مفلسة ...البلد منهارة ... البلد بتقع ... حد بيقول حاجة ؟؟ ابدا ً .. الشرطة هذه الأيام شديدة وجامدة فى تنظيم المرور الصبح (فقط) بعد كدة تولع .. هى بلدنا .. خليهم يتربوا ويعملوا ثورة .. خللى الثورة تنفعهم .... روح بلغ عن سرقة كدة .. هيقولوا لك هاعمل لك ايه ؟؟؟ بلطجى مدجج بالسلاح يمشى فى الشارع فارد قلوعه ولا مخلوق يقولله بتعمل ايه ... عربيه نص نقل تمشى لك مخالف عكس الإتجاه وياويلك لو فتحت بقك يبقى يومك مش معدى ...الخ .. الخ والباشوات قاعدين يتفرجوا ... المجلس العسكري شكله مستمتع بما يحدث .. ولا قرار قاطع لإصلاح هذه المصايب .. رغم ان اصلاحها سهل .... اشتغلى ياشرطة ... الشرطة مش عاوزة تشتغل ؟؟ يتنيلوا يقعدوا فى بيوتهم ... بدال ما يطلع ملاسيع الإعلام وينونوا ويولولوا على انعدام الأمان فى الشارع ........... يا عالم ياهو .... صوتي انبح .. وراح من كتر ما صرخنا ؟؟؟ شغلوهم او قعدوهم فى البيوت جنب حريمهم ... ترددت حواديت كتير على ان ضباط شرطة يقودون تشكيلات عصابية ... وناس كتير فى وسائل الإعلام ذكروا اسماء هؤلاء الضباط ولا مجيب .....يا مشير يا فريق يا لواءات  ... انتوا مش بتحبوا مصر ؟؟؟؟؟؟؟؟ بتاع الداخلية بينيل ايه ؟؟؟؟ مافيش مكاشفة بخطة مستقبلية لإصلاح احوال المعتصمين والمضربين ولو على مدار سنوات ... بس كلام يخش العقل .... الناس هتمتثل ... ان شالله على مراحل كل سنة مرحلة بدال الوعود التى لا تنفذ ؟؟؟؟ انتوا مش بتحبوا مصر ؟؟؟

اللى نازلين انتخابات .. اخوان على سلفيين على ليبراليين على ثوريين ... على كل شكل ولون يا باتستا ... هاتوا لى 10% بس بتحب مصر ؟؟؟؟ انتوا مش بتحبوا مصر

الكل بيهبش فى الكل ... الكل عاوز يحط ايده فى جيب الكل .... وعاوزيننا نقول ... ارفع راسك فوق انت مصري ؟؟؟؟؟

اللهم ارفع مقتك وغضبك عنا يارب

الطامة الكبرى

حدث ويحدث وسيحدث .... الفتنة الطائفية ... اللعبة القديمة اوى .... شويه أقباط " مسيحيين " فجأة قرروا يعملوا مسيرة للتنديد بأحداث هدم الكنيسة بتاعة أسوان والتى بدأوا فيها البناء بدون تراخيص .. ماشى .. مع ان الموضوع ده منذ أكتر من 10 ايام .. ما علينا .. وتقدمت الآلاف ومعهم بعض القسس المجهولين على فين يارجالة ؟؟ ماحدش عارف المهم قرروا كعادة المسيحيين التوجه الى ماسبيرو .. كأن ماسبيرو أما مبنى التليفزيون أصبح ميدات تظاهرات المسيحيين ؟؟؟؟؟ ليه مش عارف يمكن لما يقفوا ادامه يوصل بسرعة .. انما التحرير والميادين الأخرى الصورة مش بتطلع حلوة .. وفعلا ظهروا على الشاشة بسرعة وشوية منهم ممن يتقدمون الصفوف يلبسون قمصانا ً كتب عليها شهيد تحت الطلب .... " لم يتحدث مخلوق عن هذه القمصان المثيرة "  المهم .. على حسب الشهادات بعد سكون وشوية هتافات ووقوف الشرطة العسكرية على الحياد من الهتافات .. الا وجه واحد قال ايه مدسوس عليهم وما يعرفوهوش ونزل تحت عربية من عربيات الجيش المصفحة وولع فيها ... بعدها انطلقت رصاصات من ناس ماحدش عافهم برضة تقتل 3 من جنود الجيش وتصيب حوالى 20 ....

طبعا ً رد الفعل كان عنيفا ً من جانب الجيش وصل عدد القتلى الى 25 والجرحى أكثر من 300 ....

الكل يتبرأ من بدء الهجوم وينسبونها لأطراف غير معروفة ؟؟؟؟؟؟ وانهم مندسين ... طيب فين القيادات الكنسية ..ألم يحدث ذلك قبلا فى أكتر من مناسبة ..آخرها أحداث السفارة الإسرائيلية ... يا عالم .. لا بنت عاقلة ولا أم تهديها ؟؟؟ حاجة تهبل .. عارفين ان ناس هتندس ؟؟؟ ومع ذلك تعملوا مسيرات وتلبسولى قمصان مثيرة ومستفزة ؟؟؟

 http://youtu.be/gki8l7iXklQ

طيب والله انا متأكد ان اللى حصل من تخطيط عصابة المخاليع .. ماشى ... بس دول بيراهنوا على غباء الشعب .. يبقى احنا شعب غبي وجاهل ولا يستحق أي مكتسبات اكتسبها من الثورة .. منها الحرية .. لكن الحرية اتقلبت لهمجية وغباء شديد .. عاملين زى اللى أخد 1000 قفا على سهوة .

ياعم المجلس .. نشف ريقنا .. ريحونا .. لسة منتظرين برضه نتائج المحاكمات الهزلية لعصابة طرة ؟؟؟ أعتقد ان السيف سبق العزل .. لا بد من اعدام كل العصابة طالحهم بصالحهم ( اذا فرض ان بينهم صالح ) لأن شعب بهذا الغباء هينضرب تانى وتالت ورابع الى ماشاء الله .. وبلطجيتهم هيتداروا ساعتها ويخافوا .... الدور عليك يامجلس مش هيسيبوك فى حالك.

ارجع للحدود وسيب الحكم لأهله ... يا مجلس انت قاعد ليه .. والمصايب دى كل يوم بتحصل وهتحصل 

اللهم انى قد باغت اللهم فاشهد

أمان يا لاللى

طيب الله أوقاتكم " السيد أبو حفيظة والا يسري فودة " مش مشكلة المهم فى الهم اللى احنا فيه ... بجد .... تصريحات على لسان المشير طنطاوى والفريق عنان اتفلقنا بيها طول الشهور اللى فاتت بعد الثورة عن حماية الجيش العظيم للثورة ورفضهم القاطع لضرب المتظاهرين .... طيب يبقى جالكم امر ياسادة وانتم رفضتم الأمر ... هذه التصريحات يجرى تداولها من مارس 2011 ولا تعليق مباشر وجها ً لوجه من قادة المجلس العسكرى ... الى جاءت الطامة الكبرى فجأة شهد المشير بأنه لم تأته اي أوامر من هذا النوع وألحقها بأنها شهادة للتاريخ وسيحاسبه الله عليها ... ولم ينتظر الفريق عنان جلسة المحاكمة .. وأعلن هو الآخر بأن هذه الأوامر لم تصدر قط .... لا اله الا الله .. امال انتم عملتم ايه ؟؟؟؟؟ سبتم الناس تنضرب فى مو قعة الجحش وتصاد كالحيوانات من القناصة ... وبعدين على كلامكم لما المخلوع زهق من الشعب ساب لكم الحكم ومشى ؟؟؟؟؟؟؟؟؟؟؟؟؟؟؟ هو فيه ايه ياجماعة .. حد يفهمنا احنا عالم فهمنا على ادنا .... اعترافكم بأنها كانت ثورة دى جزئية خطيرة .... معناها ان كان فيه غضب شعبى جارف استدعى من النظام السابق المتهاوى استخدام كافة الوسائل الممكنة للحفاظ على كيانه منها الجيش ... نزل بأوامر منه ... تمام ؟؟؟؟ كان الجيش نازل يعمل ايه ؟؟؟؟؟؟؟؟؟؟؟؟؟ سؤال اتمنى من اي واحد يجاوبه ... نازل يحمى المتظاهرين يبقى ضد النظام ... او نازل يقمع المتظاهرين يبقى مع النظام ..... لالالالالالالالالالا !!!!!!!!!!! الجيش بتاعنا وقواده اكتشفنا بأنهم كانوا بيرقصوا على واحدة ونص ... اسف ماسكين العصاية من النص .. نزلوا الشارع منظر !! شكل !! بريستيج !!! بس لا يضربوا دول ولا دول ... حتى الدبابات والعربات المدرعات اللى كانت كلها مكتوب عليها بخط واضح " يسقط حسني مبارك " كانت خداع بصري ما كانش فيه كتابه ولا حاجة .......... كتير جدا ً من الناس ومن جرى تجنيدهم وفلول النظام السابق فرحين بالتصريحات الأحيرة اللى القادة بينفوا اوامر الضرب ؟؟؟؟ هو فيه حد ماسك عليهم ذلة ؟؟؟ جايز ... هل ده تنفيذ الوعد للمخلوع انه مش هيحصل له حاجة ؟؟؟؟ جايز خصوصا ً بعد أن تخلى عنه كل أنصاره .. واليهود كل يوم بيقتلوه من كتر كلامهم الحلو عليه من انه كنز استراتيجى ورجل العام فى اسرائيل ... يعنى دبح على الهادى على الطريقة الإسرائيلية ؟؟؟؟ واوباما والإتحاد الأوروبي ادوا له الصابونه ... حتى ان هناك أخبار عن رفض اللجوء السياسي لأكثر من بلد أوروبي ... ما علينا ؟؟؟  أتمنى ان يحل لنا جهابذة المجلس وعباقرته هذه المعضلة ... هم كانوا مع مين ضد مين ؟؟؟؟؟ لأنه ببساطة شديدة مستحيل يكونوا محايدين فى اللى حصل ؟؟؟؟ انا واحد من الناس أرفض أن يكون قواد جيشنا العظيم ...... شوية طرابيش 

شهادة المشير امام المحكمة

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟ 
ج1 : الاجتماع كان برئاسة رئيس الوزراء واعتقد أننه بلغ 

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟ 
ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس 

س3: ما الذي أبداه رئيس الجمهورية في هذه اللقاءءات ؟ 
ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث 

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟ 
ج4 : ليس لدي معلومات عن هذا واعتقد ان هذا لم يحدث 

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟ 
ج5 : ليس لدي معلومات 

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟ 
ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران 

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟ 
ج7 : ليس لدي معلومات 

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟ 
ج8: إنا معنديش معلومات بكده.. الاحتمالات كتير لكن مفيش معلومة عندي 

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟ 
ج9 : إنا معرفش ايه اللي حصل 

س10 : هل تستطيع سيادتك تحديد هل كانت هناك عناصر أخري تدخلت ؟ 
ج10 : هيا معلومات غير مؤكدة بس اعتقد ان هناك عناصر تدخلت 

س11 : وما هي تلك العناصر ؟ 
ج11 : ممكن تكون عناصر خارجة عن القانون 

س12 : هل ورد لمعلومات سيادتك ان هناك عناصر اجنبية قد تدخلت ؟ 
ج12 : ليس لدي معلومات مؤكدة ولكن ده احتمال موجود 

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟ 
ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه 

س14 : ولمن يصدر رئيس الجمهورية علي وجه العموم هذه الأوامر ؟ 
ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك 

س15 : وهل يجب قطعا علي من تلقي أمر تنفيذه مهما كانت العواقب ؟ 
ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه 

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا 
ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا 

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟ 
ج17: يسأل في ذلك مساعديه الذين ابلغوه هل هو علي علم أم لا 

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟ 
ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات 

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟ 
ج19 : هذه مسئولية جهات التحقيق 

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟ 
ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه ولكن التظاهر وفضه هي خطة وتدريب موجود في وزارة الداخلية 

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك ؟ 
ج 21 : معنديش علم بذلك 

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟ 
ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها

س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟ 
ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش 

س24 : هل هناك اصابات أو وفيات لضباط الجيش ؟ 
ج 24 : نعم هناك شهداء 

س25 : هل تعاون وزير الداخلية مع القوات المسلحة لتأمين المظاهرات ؟ 
ج 25 : لأ 

س26 : هل أبلغت بفقد ذخائر خاصة بالقوات المسلحة؟ 
ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة 

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟ 
ج27: هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات 

س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ 
ج28: لا ..لم يتم القاء القبض على أى أحد 

س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ 
ج29 : لم يحدث 

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟ 
ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

ناس كتير مصدومة من الشهادة دى واتباع المخلوع يرقصون كالذئاب حول النار .!!!!

انا لست مصدوم بصفتى عدو من أعداء المخلوع .... احد المحللين قال قبل شهادة المشير ان مبارك لم يكن يعطى امرا ً مباشرا ً .. بمعنى " تصرف حسب الموقف ... اتخذ الإجراءات اللازمة .. الخ من الألفاظ " وكانت مقدمة واضحة لتلك الشهادات العرجاء مثل شهادة عمر سليمان والمشير ..وسيكون رئيس الأركان ...

الغريب ان هؤلاء الناس .. على من يتصورون انهم يخدعون

أركان البلشفية اكتملت " الثورة الروسية التانية " .... اعدام رومانوف وعائلته وجميع معاونيه ...

واقطزاه

ربما كان العنوان غريبا ً بعض الشئ.... لكن ما شبه دوران عجلات التاريخ .. فالتاريخ يدور بنفس دوراته .. صراع بين الحق والباطل لكن خطوات الباطل كما هي بنفس الظروف والأساليب.. وحتى لا نخرج من سياق الموضوع تعالوا لنتذكر : 

اجتاح التتار أرض أفغانستان والتى كان يحكمها فى هذا الوقت السلطان جلال الدين بن محمد بن خوارزم شاه وهذا السلطان واجه التتار وانتصر عليهم فى بعض المعارك ثم تبدل الرجل الى الظلم والقهر فابتلاه الله بالهزيمة فيجتاح التتار أرضه ويقتلون كل عائلته الا انهم استبقوا قدرهم المحتوم وهو ابن اخت جلال الدين شخصيا ويقال له محمود بن ممدود لماذا ؟؟؟ لا أحد يعلم على وجه الدقة فقد قال البعض انه اخفى عنهم قدر هذا الطفل أو امعانا ً فى اذلال اهله وتاريخهم .. معلومات غير مدققة المهم انهم باعوه بأيديهم كعبد رقيق فى دمشق وانتقل من مالك الى آخر حتى وصل الى مماليك الملك المعز أيبك .. وأصل تسميته قطز ( الكلب الشرس باللغة التتارية) .. ودارت الأحداث المعروفة حتى أصبح هذا الولد المملوك القادم من أقاصى الأرض الى المحروسة ليصبح الملك المظفر سيف الدين قطز وتوازى الأحداث يقول بعد اجتياح التتار أرض أفغانستان والهند وباكستان لم يمسوا أرض ايران بأي أذى وكان يحكم ايران فى هذا الوقت ملوك الطائفة الإسماعيلية الصفوية وهم من أشد طوائف الشيعة تطرفا وغلوا ً بل العكس هادنوا التتار وأمدوهم بالمساعدات واجتاح التتار أرض العراق وقتلوا ولدى المستعصم وأحضروه شخصيا ً بعدها وقتلوه شر قتلة وساعدهم على ذلك الوزير الشيعى الخائن ( مؤيد الدين ابن العلقمى ) واجتاحو الشام بالدسائس والمؤامرات والخوف والرعب منهم جعل معظم حكام المسلمين خدما ً لهم الى أن وصلوا الى مصر ( لا اله الا الله .. محمدا ً رسول الله ) ... فمصر فى تلك الأيام كانت تعج بالفتن والدسائس وقتل المعز أيبك وبعده شجرة الدر وكان الحالة فى أسوأ ما عليها من الإقتصاد والصناعة والزراعة كله فى الحضيض .. حتى أن الحافظ ابن الأثير ذكر فى كتابه البداية والنهاية عن أواخر أيام شجرة الدر أن عائلتى الزوج والزوجة كانوا يجرون القرعة على سقط الجنين اذا نزل الى الحياة ميتا ليأكلوه !!!!!! لكن ظهر المنقذ بأمر من الله وفى غضون 9 شهور بالإستعانة بالله وكبار العلماء كالعز بن عبد السلام ( شيخ الإسلام فى هذا الوقت ) وغيره واستنفار نخوة المصريين والمماليك على حد سواء واجراءات صارمة .... الى ان قرر رحمه الله اكتمال التجهيزات لدحر التتار وقد تمكن رحمه الله من ذلك فى عين جالوت فى فلسطين بعد أن عبر بالجيش المصري فى شهر يوليو (عز الحر )صحراء سيناء الى هناك وقد سبب الله له الأسباب لذلك ..... كل هذه الأحداث التاريخية معروفة لكن العجيب والمدهش هو التشابه الرهيب بين ماحدث منذ حوالى 750 سنة وما يحدث الآن ....http://kenanaonline.com/users/azazystudy/topics/64104/posts /281395 هذا الرابط يذكر بعضا ً من نبوءات كتاب الجفر الأعظم لللإمام على ابن ابى طالب كرم الله وجهه ورغم اختلافنا كسنة مع الشيعة الا ان نبوءاته وما هو موجود فى متحف اسطنبول منذ أكثر من 500 عام لا يرمى هذه النبوءات الى عرض الحائط   

نبوءات من كتاب الجفر الأعظم (2)
فقد قتلت شجرة الدر بالقباقيب ورميت من سطح القلعة ... كما حدث مع المخلوع وابنه مع اختلاف التطبيق ...مصر وحالتها الإقتصادية تحت الصفر ويتنازع عليها الفرقاء قبل الرفقاء ومازلنا نعانى آثار المخلوع وعيلته من فساد وبطالة وشح فى الرزق فقد سلطه الله علينا لحكمة لا يعلمها الا الله ..ربما لأن بعدنا عن الله ودينه مثلما سلط الله سبحانه وتعالى التتار وهم حشرات وجراد الأرض على المسلمين زهاء 40 سنة وقتلوا وشردوا العديد من المسلمين لكن " لا ينصر الله الا من ينصره " مثلما فعلنا نحن مع الطاغية الفرعون المخلوع  ( هذه ليست دعوة للأخوة المذفنون بأن يأتوا الى سدة الحكم لكن اتباع دين الله ونصرته هي المخرج لما نحن فيه من تشتت .. فحتى المذقنون وأصحاب اللحى ليسوا جميعا ً أهل علم فمنهم الجاهل وهو يحمل شهادات جامعية ).. العراق بين ايدى الأمريكان والشيعة أحفاد بن العلقمى .. الشام بيد شيعى آخر وهو بشار بن الكلبائى .....القذافى اذاق شعبه الموت والهوان ... وغار او كاد ان يغور
واقطزاه .... وا اسلاماه 

قطايف وكنافة

واحنا فى رمضان الدنيا بقت كنافة وقطايف وعلى كل لون يا حلاوة  نبدأ منين ؟؟ كله شبه بعضه المهم يبقى مافيش هدوء سواء بأيدينا أو بأيدى اليهود الملاعين .....

أولا ً الشيخ العلامة الله يفتح عليه ويفتخ دماغه بحتة حديدة :ان جميع المشاكل خلصت وبقت الدنيا زى الفل وحكم طالبان المصرية خلاص بقت هي الحاكم والآمر الناهى فأفتى فى تصريحات عنتريه بلهاء تقول أن الآثار المصرية نتاج حضارة عفنة ؟؟؟ أى والله .. الشيخ عبد المنعم الشحات الذى يسبق اسمه دكتور أو مهندس والله ما عارف بس افتى وكأنه أعلم من سيدنا عمر بن الخطاب وعمرو بن العاص مرورا ً بصلاح الدين الأيوبى وقطز وبيبرس والعديد من ملوك الإسلام الذين حكموا مصر .. ماعلينا دى قناعته والتى يشبه بها الآثار الفرعونية أشبه بأصنام قريش .. الشيخ الهمام زيه زى حازم شومان وعاصم عبد الحق مش عارفين ان تصريحاتهم التليفزيون تشعل الحرائق ولامجال لإطفائها ... يا مشايخ ليست هذه الطريقة هى التى ستضغط على الشعب فى قبول مايريدونه من مواد دستوريه مع العلم والإقرار بأن منهم علماء يتحدثون بكل الرفق ولا يتعرضون للأمور الفرعية مثل الدكتور ياسر البرهامى ومحمد حسان وغيرهم .. أما الأسماء السابقة ليس لها هم الا بزرع الفتنة ليس بين المسلمين وغيرهم من مسيحيين أو غيرهم .. انا بين المسلمين وبعضهم ؟؟؟؟؟ لماذا ... كل ما أفهمه انها شغل أمن الدولة السابقة ؟؟؟ وعسى أن أكون غير محق فى تصورى .... 

اسرائيل أحفاد القردة والخنازير توغلوا فى الحدود المصرية أكثر من 7 كم وقالوا ضابط وأربع مجندين بكل دم بارد ليكتمل عدد قتلى اليهود ( بالخطأ ) ما جنود مصر الى 139 ضابط ومجند طوال 30 عاما ً .. لكن ليست كل مرة تسلم الجرة فقد قام الشعب وحاصر السفارة وتسلق أحمد الشحات ( مواطن مصرى من الزقازيق ) العمارة 22 دور واقتلع العلم الإسرائيلى ووضع مكانه العلم المصرى ... وخطوات دبلوماسية ظاهرها الرقة لكن بالنسبة لقبل 25 يناير فإنها اجراءات صارمة .. كان من نتيجتها أعتذار من اليهود الملاعين .. ومن المؤكد أن هناك اجراءات قام بها الحيش المصرى ... مثل نقل وحدات صاعقة بالجو الى سيناء .. ومازالت الأزمة قائمة .. انا هنا اسرد حقائق وأحداث وليست اراء .... لكنى مذهول من رد فعل الكنيسة المصرية فلم يظهر لها أى حديث يشجب فعل اليهود ؟؟؟ بل على العكس الكثير منهم هاجم رد فعل المتظاهرين وحرق العلم ... ربما لأن الهتافات حول السفارة كانت اسلامية  .. رأيي هو نحن لسنا دعاة حرب لكن ضد التفريط فى حقنا المهدر ... لقد أقامو الدنيا ولم يقعدوها بسبب المرحوم سليمان خاطر الذى قتل بعض الصهاينة وهم اغتالوه بمباركة رجال المخلوع ومع ذلك حصلوا على اعتذار رسمي وتعويضات للقتلى وصلت الى خمسة ملايين دولار ... فلماذا لا نجرهم الى ذلك ليحفظوا البقيىة الباقية من رقعة الورق المسماه الإتفاقية العرجاء (كامب ديفيد) .. الى أن يقضى الله أمرا ً كان مفعولا ... وتصريح رئيس الأركان بأن من يتخطى الحدود المصرية فسيتم التعامل معه بالرصاص .. ربما لم نسمع هذا التصريح منذ 30 عاما ً ....لكن اليهود لن يسكتوا حتى ياخدوا بالجزمة وقاموا باعتداء جديد http://www.akherakhbar.info/article.asp?id=7296    لما نشوف نهايتها ايه؟؟؟

القذافى خلع بالتكتوك ودخل الثوار طرابلس وأصبحت ليبيا حرة من القذافى http://www.akherakhbar.info/article.asp?id=7290

تانى جلسة لمحاكمة المخلوع

الناس دى مطمنة ان كله فى صالحهم .... علاء وجمال يتحركون بحريه لدرجة ان أحدهم وضع يده على الكاميرا التى تصور بكل بجاحة ليمنع التصوير .... المتهم اللص القاتل / محمد حسنى السيد مبارك يحيي الجماهير وهو مستلقى على سريره .... اتباع المخلوع يحولون الساحة خارج المحكمة وخارجها الى مجزرة لأهالى الشهداء ومحاميهم والمدعين بالحق المدنى ... أتباعهم يلبسون تي شيرتات مطبوعة وأتوبيسات أتت بهم من مناطق محددة بكل نظام ؟؟؟ من يمولهم من ؟؟؟ الناس دى مش بتلعب ... الناس دى بترتب حاجة لغاية دلوقتى مش باين ليها أبعاد ؟؟؟؟ لكن المؤكد أنهم ومحامييهم يحاولون إطالة أمد المحاكمات الى أن يتحقق لهم شئ ليس ظاهرا ً على السطح حتى الآن ... لكن المؤكد أنهم يخططون وسينفذون عاجلا ً أو آجلا ً ... ساعتها سيحدث مالا يحمد عقباه ... هل المجلس متورط فيما يحدث ؟؟؟ هل يعرف ويحاول اجهاض خططهم قبل أن تحدث .. لذلك يتصرف بعنف مع معارضيه ممن يعترضون على سياساته ؟؟؟ هل لو أن المجلس متورط معهم .. فما هى القوة التى ستمنعه من الإنضمام علانية .. ليس الآن منذ بداية الثورة ؟؟؟ هل المجلس طامع فى الحكم ويترك الفوضى التي يسببها أتباع المخلوع والبلطجية النشأ الجدد لنقول لهم ابقوا ؟؟؟ لم يحاول قائده أو أحد رفقاءه الظهور لتلميع نفسه أو حتى غيره على العكس لايتكلمون كثيرا رغم عنفهم الزائد فى بعض المواقف ؟؟؟

لندع الأيام تقول

تغطية اليوم السابع       

خبر من الفجر... صحيفة اسرائيلية 

الجزء الأول من المحاكمة  

الجزء التانى 

قرارات المحكمة 

رغم ذلك لست مستريحا ً لطلاقا لما يجري ... ربما كنت مبالغا ً ... لكن لماذا لا نأخذ الحيطة والحذر .. ولماذا لا يصارحنا المجلس ورقاب أعضاءه كانت ستكون الضحية فى حالة فشل الثورة والآن لو حدث فى الأمور أمور سيكونون أول الضحايا سواءا ً من الشعب الساخط أو من الردة ؟؟؟؟؟؟؟؟؟؟؟؟؟

حفظ الله مصر وحفظ لها أبناءها الشرفاء 

 

زنزانة مبارك.. جناح رئاسي "7 نجوم

بالصور: زنزانة مبارك.. جناح رئاسي "7 نجوم"

الخميس 04 اغسطس 2011

قررت المحكمة المصرية، التي تنظر قضية الرئيس المخلوع ونجليه جمال وعلاء، يوم الأربعاء، تأجيل القضية إلى 15 اغسطس، وأمرت بإيداع المتهم الأول مبارك بمستشفى المركز الطبي العالمي بطريق مصر إسماعيلية مع توفير الرعاية الصحية له وندب الطبيب ياسر صلاح – أستاذ الأورام- لمتابعة حالته الصحية جنبا إلى جنب مع الفريق الطبي الخاص بمتابعته.وقد وصل "مبارك" بالفعل إلى المركز الطبي العالمي بطائرة هليوكوبتر في الثالثة من بعد ظهر الأربعاء، وتم نقله إلي الجناح الرئاسي بالدور الخامس.وذكرت تقارير صحافية مصرية أن اختيار الجناح الرئاسي نوع من التأمين، وأن الفريق الطبي الذي كان معه في شرم الشيخ سوف يستكمل علاجه وأن قرينته سوزان ثابت مرافق له وأنه سيتم إعادة فحص "مبارك" مرة ثانية.وأكد مصدر مطلع من داخل المركز الطبي أن مبارك سيتلقى العلاج فى الدور الخامس بالمبنى "B" والشهير بالجناح الرئاسي، حيث كان مبارك يتردد عليه أثناء فترة الرئاسة كل 6 أشهر تقريبا لعمل استجمام صحي.

و"المركز الطبي العالمي" هو مركز طبي متكامل يتبع للقوات المسلحة ويقع المركز في طريق مصر الإسماعيلية الصحراوي و بالتحديد هو يقع بين مدينتي الشروق التابعة لمحافظة القاهرة، والعاشر من رمضان التابعة لمحافظة الشرقية.وتأسس المركز الطبي إبان حرب الخليج الثانية "1990-1991" بتمويل من القوات الأمريكية و ذلك لدعم الجيش الأمريكي أثناء ما عُرف بعملية "عاصفة الصحراء" لتحرير الكويت من الغزو العراقي.ويعمل بالمركز أكثر من 100 متخصص و طبيب يعملون بكافة التخصصات الطبية وهو على مستوى جيد في تقديم الخدمات الطبية و العلاجية.ومعروف عن المركز ارتفاع مصاريف العلاج فيه فهو يعادل أكبر المستشفيات الخاصة في أسعار الخدمة العلاجية فيه.ويقع المركز الطبي تحديدًا عند الكيلو 42 من طريق القاهرة -الإسماعيلية الصحراوى، وتم تنفيذه عام 2004 على مساحة 45 فداناً، منها مبان على 10 أفدنة ليكون واحداً من أكبر الصروح الطبية العالمية فى منطقة الشرق الأوسط، بتكلفة 72 مليون جنيه، أشرفت عليه إدارة المشروعات الكبرى بالقوات المسلحة، ونفذته شركتا المقاولون العرب والنمر. والمبنى الأساسى تكلف 47 مليون جنيه دون الأسرة، والعيادات الخارجية التى تكلفت 25 مليونا أخرى، وجاء تصميمه «أمريكيا» ليحمل اسم «فايف فينجرز» أو الأصابع الخمسة، وتم تنفيذ 3 أجنحة من هذه الأصابع، يقع فى إحداها الجناح الرئاسى الذى تم تنفيذه خصيصا للرئيس السابق، الذى لم يدر فى ذهنه أن هذا الجناح الذى طالما استقبله فى مرضه سيكون زنزانته.ويعد الجناح الرئاسى هو الأهم والأشهر داخل المستشفى، فهو جناح 7 نجوم، وبالرغم من تنحى مبارك قبل نحو نحو ستة أشهر، فإن الجناح لم يستقبل غيره حتى الآن. ويحتوى هذا الجناح على غرفة ساونا وجيمانزيوم، وصالة رياضية مجهزة بأحدث الأجهزة الرياضية والطبية على مستوى العالم، وقاعة خاصة جدا للاستقبال، وصالون فاخر، بجانب غرفة للاجتماعات، وغرفة أخرى مجهزة بسرير طبي وأنتريه فاخر، فى حال تواجد أحد مع «الرئيس السابق»، وحمام بجاكوزي، وتم فرش كل الغرف بالسجاجيد الفاخرة، إضافة إلى حمام سباحة مجهز لاستخدام الرئيس السابق حتى لو كان على كرسي متحرك.وإذا كان المبنى مصمما ليحتوى على 5 مبان، فإنه لم يتم تنفيذ سوى 3 فقط، حتى الآن، ويتبقى مبنيان أحدهما على يمين المبانى والآخر على شمالها، وطاقة كل مبنى 200 سرير، أى 600 سرير فى المركز حتى الآن، بتكلفة 200 ألف جنيه للسرير الواحد، ويتبقى 400، بجانب مبنيين لاستراحة الأطباء وآخر للتمريض، ومهبط خاص للطائرات يتسع لطائرتين أو ثلاث، على اعتبار أن المركز معد لاستقبال الحالات الحرجة سواء من المصريين أو العرب والأجانب، وهو ما يفسر تشديد إدارة المستشفى على ألا تتجاوز نسبة إشغاله 30%، على أساس أنه مركز احتياطى لاستقبال أى حالات من القوات الأمريكية المتواجدة فى الشرق الأوسط – وفقا لأحد المصادر.ويعد المركز الأشهر فى علاج الأورام السرطانية، وبه أفضل تجهيزات للعلاج الكيماوى لهذه الحالات، ولهذا دعت الولايات المتحدة الأمريكية رعاياها فى مصر والبلاد العربية، للتوجه إلى المركز حال إصابة أحدهم بمرض السرطان، بسبب دقة المركز وتخصصه المشهود له عالميا.وتتوافر فى المركز الإمكانات الطبية على مستوى عالمى، ويعتبر مقصدا طبيا للمشاهير من الشخصيات المصرية والعالمية على مستوى السياسة والفن والاستثمار.وفيما يلي نتوقف مع بعض صور الجناح الرئاسي الذي استقبل مبارك:

وبعدين

سكت الجميع عندما رأوا الطاغية فى القفص حتى ان معظم الناس قالوا . ان هذا هو غاية المنى من رب العباد .. بعد الغطرسة والكبر والتصور من هؤلاء أنهم فوق الجميع من الشعب البائس ... رايناهم فى القفص كالحيوانات منهارون والعجيب والغريب هو امساكهم بكتاب الله الذى رموه عرض الحائط منذ 30 عاما لم ينفذوا حرفا ً مما جاء فيه ... وليكن .. ان الله يغفر الذنوب جميعا ً .. والحساب عند رب العباد ... لكن ... فوجئنا بقائمة اتهامات مضحكة وغريبة منها كام فيلا على كام مليون فساد على قتل حفنة من المتظاهرين ( أقول حفنة وظفر شهيد منهم بهذه العائلة جميعا ) ... لكن أين تهمة قتل مايزيد عن 130 مليون مصري بالذل والقهر وانعدام الأمل فى الغد ( بحسبة من توفوا وولدوا طوال 30 عاما ً ) .. تهمة اهدار كرامة الإنسان المصرى وحياته طوال 30 عاما  .. فى الثمانينيات قامات أمريكا بجلالة قدرها بعملية عسكرية رهيبة انتقاما لمسافر قعيد على ظهر الباخرة أكيلى لاورو فى البحر الأبيض ... ماذا فعل مبارك أمام حشود النعوش القادمة من العراق وليبيا ... لاشئ .. ماذا فعل مبارك أمام 1400 غريق فى عبارة الموت ( السلام 98 ) .. حضر مباراة نهائى كأس الأمم فى الإستلد ... ماذا فعل أمام ضحايا حرب الخليج الأولى والثانية ... لاشئ ( على العكس قال وايه اللى وداهم هناك ) .... ياسادة خطايا النظام المباركى المخلوع لا يجب اختصارها فى 18 يوم ... أين حقوق المعتقلين تحت الأرض طوال 30 عاما من حكم الطاغية ... أين حقوق أجيال قتلت عمدا ً يالتهميش والظلم والقهر والكلمة المأثورة .. خليك جنب الحيط.

عيالل المخلوع بالجزمة كل مبراراتهم انه من ابطال حرب أكتوبر المجيدة ... المخلوع كان قائد من وسط قواد كثر أعلى منه رتبة ومقام واختاره السادات ليكون نائب له لأنه بلا شخصية ولا رأي وجرى التخلص من كبار القادة الذين يفوقونه خبرة وذكاءا ً والمعاصرون لهذا الإختيار اندهشوا لوقوع اختيار السادات على هذا المبارك الذي باعتراف أشد مناصريه وهو الفريق أحمد شفيق قال بالحرف الواحد " مبارك سرق مجهودنا جميعا فى الحرب ونسبه الى نفسه " والعديد من القادة قالوا هذا الكلام ... بل على العكس انه تسبب فى كارثة الهليوكوبتر الشهيرة فى الحرب بعد أن تم ارسال جنود خلف خطوط العدو بالهليوكوبتر دون حماية من الرجل المسئول عن تأمينهم ولولا ستر الله وانتهاء الحرب لصاحنا لجرى اعدامه فى ميدان عام رميا ً بالبلغ.

البلد كانت عايشة فى استقرار ؟؟؟ مش عارف انهى استقرار بصراحة 

فى النهاية وفى كل مقالة اردد سؤال اهبل ... خروج الملايين فى الشارع ضد المخلوع ونظامة .. اليس ابلغ ادانة له ؟؟؟ المحاكمات لزومها يه ؟؟؟؟؟؟؟؟؟؟؟؟؟؟؟

مقال مهم

حاكموا مبارك لخيانة اليمين الدستورية

حمدي قنديل

Mon, 08/08/2011 - 08:01

ظهر الطاغية فى القفص، وبدأت محاكمته علناً أمام العالم فى سابقة تاريخية ليس لها نظير.. مبارك يحاكم الآن فى تهم ثلاث: أولاها قتل المتظاهرين الذين فجروا ثورة «25 يناير»، وثانيتها استغلال النفوذ فى تلقى خمس فيلات، قيمتها 40 مليون جنيه من نديمه المتهم الهارب حسين سالم، مقابل تخصيص أراضٍ له فى شرم الشيخ بسعر رمزى، وثالثتها الإضرار بالمال العام فى عقد تصدير الغاز لإسرائيل بتراب الفلوس، الذى تسبب فى خسارة للدولة قدرها نحو 715 مليون جنيه.
ليست هذه وحدها هى الجرائم التى ارتكبها مبارك فى حق مصر والمصريين على مدى العقود الثلاثة التى حكم فيها البلاد.. أولى جرائم الطاغية التى يجب أن يحاكم عليها هى الحنث باليمين الدستورية.. مبارك أقسم بالله العظيم عندما تولى السلطة أن يحافظ مخلصاً على النظام الجمهورى، وأقسم بالله العظيم أن يحترم الدستور والقانون، وأقسم بالله العظيم أن يرعى مصالح الشعب رعاية كاملة، وأقسم بالله العظيم أن يحافظ على استقلال الوطن وسلامة أراضيه.. وحنث بيمينه فى احترام هذه الواجبات جميعاً.
مبارك خان الأمانة ولم يحافظ على النظام الجمهورى.. مضى أشواطاً فى توريث الحكم لولده، الذى تاجر بديون مصر، وتلاعب بالدستور ليقطع الطريق على من عداه، ومنحه صلاحيات رئاسية دون سند من قانون، وأجلس إلى جانبه قرينته على العرش، تأمر وتنهى وتحكم وتنهب، فاستبدت العائلة الجاثمة على أنفاس المصريين بمصائرهم، وأهدرت كرامتهم.
مبارك خان الأمانة، لم يحترم دستوراً أو قانوناً.. الدستور والقوانين فى عهده كانت قماشة يفصلها له الترزية كلما شاء وكيفما شاء، لتمكينه مدى الحياة من الكرسى، وتسليم مقدرات البلاد «تسليم مفتاح» لعصابته من رجال المال وأغوات القصر، وسد الطرق أمام تداول السلطة، والتزوير الفاضح لإرادة الشعب، وازدراء مطالب التغيير والإصلاح.
مبارك انتهك حريات المصريين وقصم ظهورهم بأدوات التسلط والقمع والرقابة وأطلق عليهم كلاب أمن الدولة وفيالق الأمن المركزى وجلادى القهر والتعذيب فى الشرطة، وفرض قانون الطوارئ لأكثر من ربع قرن، وسيطر على الإعلام الرسمى والخاص، وقيد تداول المعلومات، وحبس الصحفيين، ومنع التظاهر السلمى، وحظر قيام أحزاب جديدة، وضيّق على الحياة السياسية والنقابية، وخنق أنشطة المجتمع المدنى، وأحال القضايا المتهم فيها مدنيون إلى القضاء الاستثنائى والعسكرى، واعتقل المعارضين دون مسوغ قانونى، واعتدى على الحرمات الخاصة بالتنصت والدس وتلفيق التهم.
مبارك خان الأمانة ولم يرع مصالح الشعب.. فى عهده، احتُكرت الثروة كما احتكرت السلطة، تسيّد على الأرض وما عليها نادى العائلات المغلق الذى يدير أباطرته الوزارات ويرسمون السياسات ويسنون القوانين، هم الذين يستوردون، وهم الذين يصدرون، وهم الذين يسمسرون، وهم الذين بيدهم خريطة المسالك الملتوية ودليل قنص الفرص السانحة.. فى أيامه، زاد الأغنياء غنى وانزلق الفقراء إلى القاع.. اختطفت قلة قليلة موارد البلد، وهبرت المال وهربت ما فاض منه إلى الخارج، فى حين عاش أكثر من ثلث المصريين تحت خط الفقر، ملايين منهم مدفونون فى العشوائيات أو بين المقابر، لا يكادون يجدون ما يسد الرمق، يحتشدون قطعاناً لتلقف شنط رمضان، يقفون كأشباح موتى فى طوابير الخبز واللحم والسكر والبضاعة البائرة، يفرمهم صعود الأسعار وتدنى الأجور وضياع الحلم.
فى عهد مبارك، استأسد الاحتكار، ونهبت الأصول العامة التى نزف فى بنائها دم الشعب وعرقه عبر عشرات السنين.. طرحت مصر للبيع بثمن بخس وضمير ميت للطامعين والمغامرين والنصابين وأفاكى الشركات الدولية، وسلمت مصانعها عرضها وقوت عيالها ومصدر منعتها واستقلال قرارها لفئة من الشبيحة، وشرد العمال وخردت الآلات ووزعت أراضى الدولة هبات على أهل الحظوة، وصبغت الخضرة بكتل الأسمنت لتؤى الصفوة، وشاعت الرشوة والبرطلة بالأمر المباشر، واستشرى الفساد فى مفاصل الدولة حتى بلغ الحلقوم ووصل إلى الرقاب لا الركب.
فى عهده، شرب الشعب الماء مختلطاً بالصرف الصحى، ورويت الزراعات بالمجارى، وتلوثت مياه النيل، مصدر حياة المصريين ورزقهم، إهمالاً وعمداً.. فى عهده انهارت خدمات الصحة، واجتاحت البلاد أمراض الكلى والكبد والسكر والسرطان، وطُرح مشروع للتأمين الصحى لا يفى بأمان، واختطفت عصبة متنفذة ميزانيات العلاج على نفقة الدولة.. فى عهده، شهدنا أمل الشباب فى المستقبل ينعدم، فلا سكن ولا فرصة عمل، حتى طالت العنوسة - 13٪ من فتيات مصر و24٪ من فتيانها الذين فى سن الزواج - وقُضى مئات من اليائسين فى قوارب الهجرة الغارقة.
فى عهده، لم يكن هناك تعليم ولا تربية.. بيننا 22 مليون مواطن لا يقرأون ولا يكتبون، ومن أبنائنا 27٪ يتسربون من التعليم، وجامعاتنا تراجعت مكانتها حتى غابت عن قوائم التميز فى العالم.. فى عهده، عانى الفلاح، الذى تغنى به الحزب الوطنى، من ديون بنك التسلى، ومن ندرة البذور، ومن غلو سعر الأسمدة، ومن المبيدات المسرطنة وتراجع إنتاج المحاصيل الرئيسية، وأصبح غذاء الناس تحت رحمة الأجنبى.. وفى عهده أيضاً، تمزقت اللحمة الوطنية، وشاعت الفتن الطائفية، وسيطر السفه والإسفاف على الإبداع، وانحطت الأخلاق العامة، وازدادت معدلات العنف والجريمة والبلطجة والاغتصاب والتحرش.
فى عهد مبارك، تتالت أزمات المعيشة، وتتالى الفشل فى إدارتها، من فشل فى إدارة مباريات كرة، إلى فشل فى رفع القمامة، إلى فشل فى معالجة التلوث ومطاردة السحابة السوداء، إلى فشل فى تفادى حوادث العبارات والطرق وتجنب ضياع ألوف الأرواح التى راحت ضحيتها، إلى فشل فى أزمة العشوائيات، وفشل فى أزمة البنزين والخبز والبوتاجاز وغيرها.
مبارك خان الأمانة ولم يحافظ على استقلال الوطن.. انصاع مبارك للولايات المتحدة وامتثل لإرادتها فى كل ما يتعلق بمصالحها فى المنطقة.. تواطأ معها فى غزو العراق وفيما يسمى الحرب ضد الإرهاب، وقدم لها سجونه كمراكز للاستجواب والتعذيب، ومكنها من أن تكون المورد الوحيد للسلاح.. حالف مبارك إسرائيل حتى أصبح كنزها الاستراتيجى، وتمترس فى خندقها ضد الفلسطينيين، وأتاح لها سلب الغاز المصرى.. ضيع مبارك مكانة مصر بين الأمم، وفشل فى إدارة الملفات السياسية الكبرى مع دول منابع النيل الأفريقية، وحاصر غزة، وغاب عن السودان، وانحاز فى لبنان، وخاصم الجزائر، وعادى إيران، وتقزم أمام تركيا، وأخضع مصر للهيمنة والضغوط الأجنبية، وفرط فى مصالح المصريين وامتهن كرامتهم فى الخارج بعد امتهانها فى الداخل.
مبارك يستحق محاكمة غير هذه التى تجرى.. مبارك يجب أن يحاكم لخيانته الأمانة وحنثه باليمين الدستورية، وجرائمه التى لا تقارن بتلك التى يحاكم عليها الآن.. إذا لم تكن القضية المنظورة الآن تستوعب هذه التهم فلتكن هناك قضية أخرى، وإذا لم تكن محكمة القاضى الجليل المستشار أحمد رفعت هى التى يمكن أن يناط بها النظر فى الأمر فلتنظرها دائرة أخرى، وإذا لم يكن هناك قانون توجه بموجبه هذه التهم فليصدر قانون جديد أو يعدل قانون قائم.. هذا هو واجب هيئة الدفاع الجديدة التى شكلها، أمس الأول، كبار محامى مصر للدفاع عن أسر الشهداء والمصابين، وهو القصاص العادل للشهداء والخلاص من إرث الماضى لعموم الناس.

يوم تاريخى فى حياة مصر

يوم أعتقد أن تكراره مستحيل او هكذا كنا نعتقد ... منذ 6 شهور أي مجنون كان يمكن ان يتخيل هذا اليوم ؟؟؟؟؟ لا أعتقد أنه كان هناك عاقل او شبه مجنون ان يتخيل .. لكن الخيال حدث وجاء المخلوع وولديه و وزير داخليته الى القفص وينادى عليه القاضى ويسأله عن شخصيته ويرد محمد حسنى السيد مبارك .. أفندم ؟؟؟ لا اله الا الله ...سبحان المعز المذل ... واللهم لا شماته ... ولكن " ولكم فى القصاص حياة يا أولى الألباب " صدق رب العزة ولا عزة الا له سبحانه 

منقوووووووووول

أعجبنى
أنا مش آسف يا ريس ...... علشان عيشتنا في جوع ومرض وحرمان 30 سنة وكنت عايز المحروس إبنك يكمل علينا 30 سنة تانيين .
أنا مش آسف يا ريس ...... علشان سبت شبابنا يموتو في قوارب الموت على شواطئ إيطاليا .
أنا مش آسف يا ريس ...... علشان سبت البطالة تحاصرنا وتخنقنا وتطلع ميتين أهالينا .
أنا مش آسف يا ريس ...... علشان سبت كلاب أمن الدولة تنهش في جسمنا وترهبنا وتنتهك أعراضنا .
أنا مش آسف يا ريس ...... علشان أقسام الشرطة في عهدك بقت أوكار للتعذيب وإهانة المواطنين .
أنا مش آسف يا ريس ...... علشان سبت شعبك يسكن في المقابر مع الأموات وإنت نايم في قصرك.
أنا مش آسف يا ريس ...... علشان ما شفناش ناس بتاكل من صناديق الزبالة إلا في عهدك .
أنا مش آسف يا ريس ...... علشان ما عرفناش ظاهرة إسمها أطفال الشوارع والعشوائيات إلا في عهدك .
أنا مش آسف يا ريس ...... علشان ما شفناش ناس بتموت في طوابير العيش والغاز إلا في عهدك .
أنا مش آسف يا ريس ...... علشان خليت مهية المواطن ما تكفيهوش لحد خامس يوم في الشهر .
أنا مش آسف يا ريس ...... علشان سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
أنا مش آسف يا ريس ...... علشان سبت مرض الكبد الوبائي ينهش في أكباد الشعب المصري .
أنا مش آسف يا ريس ...... علشان أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
أنا مش آسف يا ريس ...... علشان سبت المزارعين إللي ما عندهمش ضمير يأكلونا خضروات مسقية بمية المجاري .
أنا مش آسف يا ريس ...... علشان سبت الحرامية ينهبو ثروات البلد وثروات الشعب ويهربوها برة البلد.
أنا مش آسف يا ريس ...... علشان التعليم في عهدك بقا زبالة .
أنا مش آسف يا ريس ...... علشان الرعاية الصحية في عهدك بقت زبالة .
أنا مش آسف يا ريس ...... علشان الزبالة وطفح المجاري في عهدك بقا الصفة المميزة للشارع المصري .
أنا مش آسف يا ريس ...... علشان كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
أنا مش آسف يا ريس ...... علشان حرمتنا من الحرية وزورت الانتخابات وسلمت البلد للبلطجية يتحكموا فيها .
أنا مش آسف يا ريس ...... علشان سبت حرامية السلطة يبيعوا ممتلكات مصر وأراضي مصر بأبخس الأثمان للتجار وللمستثمرين .
أنا مش آسف يا ريس ...... علشان في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
أنا مش آسف يا ريس ...... علشان خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
أنا مش آسف يا ريس ...... علشان في عهدك بقت مصر من أكتر دول العالم نسبة أمية وناس عايشة تحت خط الفقر .
أنا مش آسف يا ريس ...... علشان بعت الغاز للصهاينة بأبخس الأثمان .
أنا مش آسف يا ريس ...... علشان الفساد في عهدك بقى للركب ... (بشهادة سكرتيرك الدكتور زكريا عزمي)
أنا مش آسف يا ريس ...... علشان كرامة المواطن المصري برة بلده ما تهانتش واتمسح بيها الأرض إلا في عهدك .
أنا مش آسف يا ريس ...... علشان عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
أنا مش آسف يا ريس ...... علشان سبت كلاب أمن الدولة يزرعوا بذور الفتنة الطائفية بين أفراد الشعب المصري المسالم علشان يقدروا يسيطروا عليه .
أنا مش آسف يا ريس ...... علشان حرمت مصر من واحد من أهم مصادر الدخل ليها وتشغيل العمالة وهو زراعة القطن ، إللي كان قبل عهدك أفضل قطن في العالم .
أنا مش آسف يا ريس ...... علشان خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
أنا مش آسف يا ريس ...... علشان ، مصر ، بلد النيل ، عرفت في عهدك بس حاجة إسمها (الفقر المائي) .
أنا مش آسف يا ريس ...... علشان سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
أنا مش آسف يا ريس ...... علشان في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
أنا مش آسف يا ريس ...... علشان ضيعت أموال الشعب المصري في مشاريع فاشلة في توشكى وترعة السلام ، وغيره .. وغيره ..
أنا مش آسف يا ريس ...... علشان التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
أنا مش آسف يا ريس ...... علشان حاصرت أهلنا في غزة ووطيت راسنا قدام أشقائنا العرب .
أنا مش آسف يا ريس ...... علشان مكانة مصر في عهدك على المستوى العربي والإفريقي والدولي بقت في الحضيض .
أنا مش آسف يا ريس ...... علشان إنت كان لازم تمشي من زمان ، وتتخلع من زمان ، وتتحاكم من زمان .

الجمعة اللى فاتت

اللى هييجى جنب الأسلام هنقطعه ( ايه ياجماعة هو احنا كفرة والا اتباع ملة اودين تانى ) .. مصر اسلامية  وليست علمانية او ليبرالية ... ولا اله الا الله محمد رسول الله .... الشريعة هى هدفنا وتطبيقها بدمائنا ..... تلك الشعارات هى التى كانت سائدة فى ميدان التحرير الجمعة 29 يوليو .. فيما اتفق على تسميتها جمعة وحدة الصف ... وأول من شق الصف هم الإخوة السلف .... وأنقل شهادة من شاهد عيان على هذا اليوم من التحرير .... ( العيال بتوع 6 ابليس والإخوان الخونة والعلمانيين والليبراليين كانوا مشغلين أغانى ثورية ... دخلنا وقعدنا نهتف لأن الجمعة دى بتاعتنا احنا خليناهم يدخلوا الجحور ولو كانوا نطقوا كنا قطعناهم ... وبعدين هيمشونا على مزاجهم هددناهم اللى هيفتح بقه هنعرفه شغله ) هم دول اللى كانوا فى التحرير ويرفعون الشعارات السابق ذكرها .. وسألتهم رحتوا التحرير ازاى قالوا ان الجمعية الشرعية مطلعة اتوبيسات رايح جاى ووجبة ومية ؟؟؟؟؟؟ ويامشايخ ليه التحرير وهو مهد الثورة على المخلوع ما كان ادامكم ميادين كتير ومعنى نزول الدكتور / عبد المنعم الشحات الى التحرير وهو اسكندرانى وعنده ميدان القائد ابراهيم الا اعترافا ً بقدسية وشرعية التحرير ... ومحاولة احتلاله واغفال باقى القوى الثورية فيه هو قمة الديكتاتورية ... لا مصادرة على رأي ولا فكر ... طبقوها يطبق عليكم وكفاكم شعارات تظهر أنكم الوحيدون فى مصر الذين تدافعون عن دين الله....

وبهدوء وبدون تخوين او ضرب من تحت الحزام ؟؟؟؟؟

الإخوة السابق ذكرهم 30 عاما لا يفتحون أفواههم الا بالدعاء للحاكم وكلما افترا عليهم أمكن الدولة البائد كلما زادوا استكانة .. كل ذلك منطقى .. انما هم نفس هؤلاء عندما اندلعت الثورة كانوا خطباء ا ً فى مساجدهم ومساجد الدولة فى تحريم الخروج على المخلوع .. واتهموا الجميع بأننا مؤمركين وننفذ أهدافا ً أمريكية وصهيونية لزعزعة البلد .

وعند نجاح الثورة ظهروا على السطح ليأخذوا على الجاهز من مكاسب الثورة ( بالطبع منهم من شارك منذ اللحظة الأولى فى الثورة .. انما الحديث عن زعمائهم ) ... ما علينا ... وصحيح وأبصم بالعشرة أن هؤلاء هم درع واقى شديد المراس عن دين الله ... لكن ياعالم لا تكفرونا عندما نتكلم عن الدستور أولا ... ولا تلقوا بنا الى مراتب ابو جهل وأبو لهب اذا عارضناكم فيما تقولون ...ولا أشك لحظة فى ان الخمسين أو الستين أو حتى الملايين من التحالفات ينكر اسلامية مصر أو حتى مصدر التشريع الأول وهو الإسلام .. نحن ببساطة 90% مسلمين من تعداد الشعب ااتونى بمجنون يحارب هذا الإحصاء ؟؟؟؟؟؟؟؟ لكن أن تفرضوه علينا يامشايخ فهو قمة الجنون فكأنك تطلب ان تطلع الشمس بالنهار ... ياعالم ما الشمس موجودة يردون : لأ بكلامكم الشمس كدة هتطلع بالليل ..... أريد أن اذكرهم بأنهم لم يظهروا الا بعد يوم 12 فبراير .. ولن نلقى اتهامات ولن نتكلم فى عدم الوطنية لأنهم مصريون مسلمون ونفتخر بهم فهم حماة الدين .... فرفقا ً بنا يا مشايخ .

بعد الأخبار المتواترة من مؤامرة المخلوع على الجيش أثناء الثورة بإقالة القائد العام ( المشير طنطاوى ) يفسر الكثير لكن يامجلس أرجوكم صارحوا الشعب .. حتى نعبر هذا النفق .. ويامشايخ رحمة بنا ورفقا ً فحتى النصارى والعلمانيين والليبراليين والثوريين ( من قاموا فعليا ً بالثورة على الطاغية ) أصحاب الثورة الحقيقيين وليس أنتم ولا ترفعوا شعار أن الجيش معكم ... الجيش جيش مصر وليس جيشكم وحدكم والمجلس العسكرى نصب نفسه هيئة سياسية حاكمة فهو ليس فوق النقد والهجوم السياسي فيما يخالف ما نعتقد أنه صحيح .... كل سنة وانتم طيبيبن ... رمضان كريم

http://www.dostor.org/politics/egypt/11/july/29/49701

الجمعة الجاية

بيقولوا جمعة التصالح ... كل فصائل الشعب المصري ستتصالح فى هذا اليوم .. هل هو جيد للمجلس العسكرى ام ضد رغبة المجلس ؟؟؟؟ الكثير وأنا منهم ارى ان المجلس الى الآن يتعامل بطريقة مباركية مع الشعب .. ربما لأنهم أقسموا له يمين الولاء قبلا .. رغم اعترافهم بالفساد الواضح والظاهر لكل ذى عينين ورائحته التى تزكم الأنوف .. لكنهم يخرجون مبارك من كل ماسبق ويجري تكريمه فى مستشفى 5 نجوم منذ 6 شهور .. صحيح انهم سجنوا ولديه وأركان حكمه ؟؟؟؟ لكن أحدهم وهو الأستاذ عبد الحليم قنديل الثائر المعروف قالها صراحة أنه رغم أنه ضد المجلس وقراراته البطيئة والعكسية بأن هناك ضغوطا ً شديدة تواجه المجلس لا يستطيع التصدى لها .. ويجب على المجلس فى هذه الحالة مصارحة الشعب بما يجري ..... ربما

هذا الأسبوع صدرت وفى الطريق بعض القرارات التى طالب الجميع بها من يوم 12 فبراير وهى التخلص من قيادات العهد البائد فى جميع المواقع وظهرت بوادرها اليوم بإقصاء صفى الدين خربوش وحسن صقر( رئيسا مجلسي الشباب والرياضة) .. المضحك انهما جالسان أماكنهما منذ الثورة الى الآن وكانا معروفين من أنهما من أقدام جمال مبارك ( بركة معتصمى التحرير جابت فايدة ).

أجمل مأروع ما سنراه يوم الجمعة 29 يوليو هو رجوع التوافق مرة أحرى الى عدد لابأس به من فئات الشعب واتفقوا على عدد من المبادئ وهى خطوة جبارة وللحق ان الفضل فى رجوع الحد الأدنى من التوافق على المطالب هى العيال بتوع احنا اسفين يامخلوع ... أوجه لهم جزيل الشكر على حسن تعاونهم مع فئات الشعب ... لأنهم تسللوا فى وسط الظلام متحيلين انهم سيعيدون احياء المخلوع وسط كل الخلافات بين جميع التيارات السياسية والفوضى المصطنعة من ذيول المخلوع .... أظن ان نهايتهم قد قاربت وأن باقى ذيول المخلوع ستبتر ويورونا عاوزين يعملوا ايه ...

 مرتضى منقور عاوز يبقى ريس بس بصراحة مش عارف هو عاوز يبقى ريس ايه .... احتمال جمهوريه الشبشب الواطى تقبله ريس .... ماهو واطى .. متهم فى قضية قتل المتظاهرين مفكر ان مصر هى نادى الزمالك وشعبها جمهور الزمالك بس اللى ما يعرفوش هذا الواطي ان جمهور الزمالك مصري وأولاد مصريين  العجيب فى هذا الشأن ان هذا البتاع استضاف فى قناة مشبوهه زيه اسمها المحور وصاحبها هو رجل أعمال الأسمنت الشهير حسن راتب بتاع هناء وسيد .

تـــــــانى

نقول تانى وتالت ورابع الى مالا نهايه .......... المجلس العسكري الحاكم استحق لقب مجلس مبارك ... هتقوللى فين اثباتاتك الناس اهى مقدمة الفاسدين للمحاكم ..... هههههههههه ياباشا القضية الوحيدة اللى اتحكم فيها قضية اللوحات المعدنية ؟؟؟ فين قضايا الدم المراق فين قضايا القتل والقنص فين قضايا التربح والإستيلاء على المال العام والخاص ... فين قضايا الإتفاقيات المشبوههة ... الخ ؟؟؟؟

الحنكة والخبرة السياسية المفقودة لدى المجلس المباركى ( حتى ولو كان أمينا ً وشريفا ً ) الا انه مسيطر عليه من خلايا موبوءة من الحزب الواطى السابق والإخوة اللى منبت لهم دقون ومسميين نفسهم سلف وطبعا اللصوص الشطار الإخوان .... بدأ هؤلاء فى اخلاء الساحة لهم والتخلص من باقى القوى السياسية الموجودة .. قالك هاتوا 6 ابريل .. والتصريح بتاع اللواء الروينى أكبر اهانة لجيش مصر ومخابرات مصر ومجلس وزراء مصر ولفت التفة اللى رماها على وجهه الكريم وتلا التصريح العجيب بالرمى على كفايه هى كمان ... كانت فين كل الأجهزة دى من زمان؟؟؟؟؟؟؟... والأخوة المذقنين بيضربوا الدفوف من الفرحة والشماتة وطلعاوا من تحت السرابر اللى كانوا مستخبيين تحتها ايام الثورة ... ما علينا .. والا علينا .... يا مجلس اتقى الله فى مصر ... شعب مصر مش هم العساكر اللى تأمروهم يطيعوا وبس حتى لو كانوا غلط ... يامجلس نظف نفسك من مستشاريك اللى هيودوكوا والبلد معاكم فى داهية ... يامجلس بلاش كل شوية تقوللى الشرعية من الإستفتاء ومن ال 77% بتوع نتيجة الإستفتاء ( هو كان استفتاء على ايه ؟؟؟؟؟ )

يامجلس .. انت الى هذه اللحظة أمين على الشعب .... نضفه من البلطجية وخللى الشرطة تشتغل وبعدين اتهاماتك اللى بتوزعها اطلع بالدلائل بتاعتها ووديها للنائب العم .. والا النائب العام حلال على مبارك ورجالته والنيابة والمحكمة العسكرية هى اللى للشعب ... صورة عوجاء مقلوبة!!!!!!!! .. وانا واثق ان الإتهامات دى من مستشارينك السوء ......... يا مجلس اسرع بالمحاكمات .. حتى لو طلعوا براءة .... يامجلس لا نريد ان تتكرر الثورة البلشفية هنا فى مصر ..... رفقا بمصر وناس مصر 

اتعشم ومعى الملايين ان يكون نعبير مجلس مبارك هو الأخير وننتهى من تلك القصة .. أو اعلنوها مباشرة وواضحة المخلوع ما زال هو الرئيس وأركان حكمه هى التى مازالت تحكم

والله هانت وبانت

طبعا واكيد وحتما ان الخط الأحمر مش اللى على فانلة الزمالك لأ ولا محل الجزم اشهير برضة لأ ... دا المجلس العسكرى يانهار مش فايت هو فيه حد عك الخط والا داس عليه ؟؟؟؟؟؟ المجلس طلع بتصريح عجيب وغريب ويهلك من الضحك الهستيري المسبب بعقار العبط والهلوسة المغولى المباركى الشفشوقى.

قال ايه اكتشف اللواء الروينى وله كل الإحترام ؟؟؟؟ بأن العيال بتوع 6 ابريل طلعوا عملاء وقابضين فلوس واتدربوا في صربيا فى معسكرات معروفة على كيفية اسقاط النظم ؟؟؟؟؟؟؟؟؟؟؟؟؟؟؟؟؟؟؟؟؟

مين ... فين ... ليه .. ازاى ..... 

منين مودى على فين ؟؟؟؟

يانهار منيل ب 60 نيلة ... الجيش بجلالة قدره ووطنيته ورصيده الذى يسمح وقف بجانب عملاء وقابضين وانضحك على الجيش ومشا الراجل المحترم اللى اسمه مخلوع ( مبارك سابقا ً ) .... تصريح حتى لو فيه صدق فقد ادى الى نفاذ رصيد المجلس الى الأبد لا ينفع معاه شحن ولا حتى استبدال شريحة....

المجلس العسكري كشر عن انيابه الحقيقية .. ومسنود على الإخوان والسلفيين (الخونة) مش عارف انه مسنود على حيطة مايلة....هو الأخ المخلوع واولاده لسة فى الحكم والا ايه ؟؟؟؟ لغة الخطاب العجيب ده .... بترجعنا لقبل 25 يناير ... عملاء وقابضين .. وكنتاكى وكدة ؟؟؟؟؟؟؟؟ 

الثورة الروسية التانية فى الطريق .... ارجوكم راجعوا مقال انستازيا ........

الضرب شغال على المسيرة السلمية المتجهة الى المجلس العسكرى بالمولوتوف والسيوف .... ورجالة الحزب الواطى بتساعد البلطجية بالمدد.

اديها يا مجلس مبارك ... يا من الغيت الحكم برفع اسمه من على المنشئات العامة .......... يا مجلس مبارك ........

عفوا لقد نفذ رصيدكم