بيقولوا!!!!!!!!!!

لك الله يامصر .... فقد مضى شهرين تقريبا على اندلاع الثورة وما تبعها من تنحى مبارك ... ولننظر الى الشارع المصري .... الشارع مازال منقسما ً ... بيقولوا.... ان الواد وائل غنيم حاطط حظاظة ودى اللى بيستخدمها الماسونيين .. وبيقولوا انه بيتدرب فى امريكا واسرائيل من 3 سنين على كيفية استثارة الجماهير وتنظيم المظاهرات ( منتهى الإسفاف والاستهانة بعقول البشر .. وكأن ملايين المصريين تدربوا فى امريكا واسرائبل علشان نثور ضد ظالم مثل المخلوع ) .. وبيقولوا اسراء عبد الفتاح تدربت هى كمان زى وائل بالأمارة متصورة ووراها شعار جوجل ... اصلنا ما نعرفش ان جوجل دى بتاعة انترنت بس طلعت بتدفع للناس علشان يعملوا ثورة ( من 2008 وحركة 6 أبريل وهى تعمل على اسقاط المخلوع !!!! ) .. بيقولوا البرادعى جاى على جناح طيارة بعد مانفذ اللى طلب منه علشان يتولى الرئاسة بواسطة عملائه اللى مقبضهم فى مصر ( نسوا ان الإعلام الحكومى السابق مذعور من البرادعى منذ 2008 وجندوا وزرائهم وكتابهم المشهورين ... مفيد شهاب .. اسامة سرايا .. عبد المنعم سعيد .. مرسي عطا الله ... واخرين للهجوم على الرجل ولم يكن ساعتها مبارك مخلوعا ً بل كان فى عز قوته والرجل جرى تطفيشه اكتر من مرة بواسطة امن الدولة البائد ... وكان اول العائدين يوم جمعة الغضب ..... ومازالت حملة تشويه الرجل قائمة على قدم وساق بواسطة اقزام النظام المخلوع ) ..... بيقولوا ان مبارك استقال ....ههههههههه ( ملايين المصريين تخرج للشارع على مدار 18 يوم تهتف بسقوطه ونهايه حقبة ظلمه ... ياعينى زهق من الشعب اللى مابيفهمش واستقال ... ونسوا هؤلاء الذين انعتهم بالخونة دماء اكثر من 500 شهيد غير المفقودين والاف الجرحى بيد هذا الطاغية .. ونسوا ان هذا المخلوع استنجد بالأمريكان للتدخل لحماية عرشه ورأينا البوراج الأمريكية تحيط القناة شمالا وجنوبا من السويس الى بورسعيد ومئات الفرقاطات ... أصلها كانت جاية تتفرج والا زي ما بيحاولوا يقلبوا الصورة انها جاية تمشيه بالعافية ........مع انه من أكبر عملاء أمريكا من أيام ما كان نائب .. وان الأمريكان قعدوا يتفرجوا اكتر من 6 ايام قبل اول تصريح لأوباما يرجوه ان ينفذ طلبات الشعب بالإصلاح وليس التنحى .. ونسوا ان اسرائيل بكت وعملت عشرات الإجتماعات للأمن القومى بتاعم لما تأكدوا انه هيغور .. أمر غريب ) .... بيقولوا البلطجية ملأت البلد وتهدد أمن وأمان البلاد ... ياعينى ( مين اللى ربى هؤلاء ... مين اللى اعطى لهم صلاحية التدخل فى الإنتخابات السابقة ... مين اللى طلقهم فى الشوارع زى الكلاب المدربة ... الثورة والا نظام المخلوع ...أقسى أيام الثورة لا شفنا انتهاك حرمات ولا سرقات فى معظم بلاد الجمهورية الا من كلاب المخلوع .. ماعدا استغاثات تليفويون دولة زنجبار" التليفزيون الرسمى ايام الثورة" الملفقة .. ومن قبض عليهم وسلموا الى الجيش طلعوا من بلطجية الوطنى وبعض كلاب امن الدولة ) .... بيقولوا فيه ازمة غذائية فى البلد ( مين وراء هذه الأزمات .. الثورة برضه ... والا مفتعلى الأزمات حتى أيام المخلوع وياما شفنا ازمة العيش والأنابيب والزيت ..... الخ ومين دول أعتقد ان الكل عارفهم بس دلوقتى تخيلوا نسيوهم وركزوا على الثورة ) .... بيقولوا الجيش متواطئ مع المخلوع ( حتى دى كمان عاوزين خازوق يندق بين الجيش والشعب .. لو متواطئ كان قمع المتظاهرين والمعتصمين وثبته المخلوع بالدم ...الجيش عليه ضغوط رهيبة من أكتر من اتجاه .. وأعتقد أن الخبرة السياسية غير متوفرة فى رجاله ... وأعتقد ان الجيش لو عاوز السلطة .. كان أخدها بسهولة .. لكنه عاوز يرجع بسرعة لقواعده لذلك ترتكب أخطاء كثيرة ....... وهذه النقطة تحديدا ً بها الكثير من الطلاسم التى لا يمكن لمثلى حلها او محاولة تفسيرها ) لكنى انفى هذه التهمة المخلة عن جيش بلدى .... اخر النكات التى اسمعها فأستلقى على قفايا من كثرة الضحك ..بيقولوا ( أحمد شفيق افضل من يتولى رئاسة الجمهورية ...... المخلوع راجع يارجالة وولعوا فى ثورتكم بجاز وسخ ..........)